Watch Viral video: నెమలిని ఒడిలో పెట్టుకుని విమానంలో ప్రయాణించిన మహిళ.. షాక్లో తోటి ప్రయాణికులు, సిబ్బంది..
నెమలిని ఒడిలో పెట్టుకుని విమానంలో ప్రయాణిస్తున్న మహిళను చూసిన తోటి ప్రయాణికులు నెవ్వెరపోయారు. ఇదేలా సాధ్యం అంటూ ఆశ్చర్యం వ్యక్తం చేశారు. సహజంగానే ఈ వీడియో నెటిజన్లను ఉలిక్కిపడేలా చేసింది. ఈ దృశ్యాన్ని చూసి అందరూ ఆశ్చర్యపోతున్నారు. ఈ వీడియో ట్విటర్లో షేర్ చేయగా, ఇప్పుడు విపరీతమైన వ్యూస్ని సొంతం చేసుకుంది.
Updated on: Aug 25, 2023 | 5:02 PM
పెంపుడు జంతువులను ఎంతో ప్రేమగా చూసుకునే వారు అసంఖ్యాకంగా ఉన్నారు. కొందరైతే పెంపుడు జంతువులను ఇంట్లోనే కాకుండా ప్రయాణాల్లోనూ వెంట తీసుకువెళతారు. ఇలా కుక్కలు, పిల్లులు, కొన్నిసార్లు చిలుకలను తమ వెంట తీసుకెళ్లే వ్యక్తులను చూసినప్పుడు మనకు ఆశ్చర్యం కలగకమానదు. కానీ, ఎప్పుడైనా ఎవరైనా నెమలితో ప్రయాణించడం ఎప్పుడైనా చూసారా…? అది కూడా విమానంలోనే…! బహుశా ఈ దృశ్యం చాలా మందికి కొత్త విషయమే. అయితే ఇప్పుడు అలాంటి వీడియో వైరల్ అవుతోంది. నెమలిని ఒడిలో పెట్టుకుని విమానంలో ప్రయాణిస్తున్న మహిళకు సంబంధించిన వీడియో ఇంటర్నెట్లో వైరల్ అవుతోంది.
ఈ షాకింగ్ దృశ్యాన్ని ట్విట్టర్లో పంచుకున్నారు. వైరల్ వీడియోలో ఒక పెద్ద నెమలిని ప్రేమగా ఎత్తుకుని విమానంలోకి ప్రవేశించే దృశ్యంతో ప్రారంభమవుతుంది. దీని తర్వాత ఆమె ఆ నెమలిని తన ఒడిలోకి తీసుకుంటుంది. ఈ దృశ్యాన్ని విమానంలోని తోటి ప్రయాణికులు తీశారు. ఆ నెమలి కూడా అంతే ప్రేమతో చిన్నపిల్లలా ఆమె ఒడిలో కూర్చుంటుంది. 9 సెకన్ల నిడివి గల ఈ వీడియోను ‘వైల్డ్ కంటెంట్’ అనే ట్విట్టర్ ఖాతాలో షేర్ చేశారు.
Bruh why is a peacock on the plane? 💀 pic.twitter.com/Sc8lGxynRj
— Wild content (@NoCapFights) August 14, 2023
ఇకపోతే, ఈ వీడియో ఎక్కడిది అనేది స్పష్టంగా తెలియరాలేదు. అయితే, ఈ వీడియో 2022లోనే ఇంటర్నెట్లో కనిపించింది. ఇప్పుడు ఈ వీడియో మళ్లీ సోషల్ మీడియాలో తెరపైకి వచ్చింది. సహజంగానే ఈ వీడియో నెటిజన్ల దృష్టిని ఆకర్షించింది. అయితే ఈ దృశ్యాన్ని చూసిన పలువురు ఆశ్చర్యం వ్యక్తం చేయగా, మరికొందరు వ్యతిరేకత వ్యక్తం చేశారు. ఇది విమానయాన సంస్థల నిర్లక్ష్యమేనని పలువురు అంటున్నారు.
మరిన్ని ట్రెండింగ్ న్యూస్ కోసం క్లిక్ చేయండి..
