Viral Video: ఒక చేతిలో స్టీరింగ్‌, మరో చేతిలో గొడుగు.. జోరువానలో డొక్కు బస్సుతో డ్రైవర్ సాహసం..
భారీ వర్షం కారణంగా ఓ బస్సు పైకప్పుకు చిల్లులు పడి నీరు కారడం మొదలైంది. దీంతో డ్రైవర్ తన తలపై గొడుకు పట్టుకుని బస్సును అతి వేగంతో నడపడం ప్రారంభించాడు. డ్రైవర్ ఒంటి చేత్తో బస్సును నడుపుతున్న తీరు చూస్తుంటే.. ఎక్కడ ఎలాంటి ప్రమాదం జరుగుతుందోనని అందరిలో ఆందోళన కలుగుతోంది. ఇలా రిస్క్ తీసుకుని బస్సు నడపడం వల్ల డ్రైవర్‌తో పాటు బస్సులోని ప్రయాణికులు, రోడ్డున వెళ్లేవారికి కూడా ప్రమాదమే అంటున్నారు పలువురు నెటిజన్లు.
Updated on: Aug 25, 2023 | 4:36 PM
వర్షంలో తడవకుండా ఉండేందుకు గొడుగు పట్టుకుని వెళ్లే వారిని చాలా మంది చూసి ఉంటారు. కానీ, గొడుగు పట్టుకుని బస్సు నడపడం ఎక్కడైనా చూసారా. ఈ వార్త వినడానికి మీకు వింతగా అనిపిస్తుంది కదూ..! కానీ ఇది జరిగింది. ఇక్కడో ఒక డ్రైవర్ వర్షం పడకుండా గొడుగు పట్టుకుని బస్సు నడుపుతున్న వీడియో సోషల్ మీడియాలో వైరల్ అవుతోంది. డ్రైవర్ ఓ చేత్తో గొడుగు పట్టుకుని మరో చేత్తో బస్సును నడుపుతున్నట్లు వీడియోలో కనిపిస్తోంది. ఈ వీడియో వైరల్ అయిన తర్వాత వినియోగదారులు కామెంట్లతో హోరెత్తిస్తున్నారు. సోషల్ మీడియాలో వైరల్ అవుతున్న ఈ వీడియో మహారాష్ట్రలోని గడ్చిరోలికి చెందినదిగా తెలిసింది.
మహారాష్ట్రలో గత కొద్ది రోజులుగా కుండపోత వర్షాలు కురుస్తున్నాయి. భారీ వర్షం కారణంగా ఓ బస్సు పైకప్పుకు చిల్లులు పడి నీరు కారడం మొదలైంది. దీంతో డ్రైవర్ తన తలపై గొడుకు పట్టుకుని బస్సును అతి వేగంతో నడపడం ప్రారంభించాడు. డ్రైవర్ ఒంటి చేత్తో బస్సును నడుపుతున్న తీరు చూస్తుంటే.. ఎక్కడ ఎలాంటి ప్రమాదం జరుగుతుందోనని అందరిలో ఆందోళన కలుగుతోంది. ఇలా రిస్క్ తీసుకుని బస్సు నడపడం వల్ల డ్రైవర్‌తో పాటు బస్సులోని ప్రయాణికులు, రోడ్డున వెళ్లేవారికి కూడా ప్రమాదమే అంటున్నారు పలువురు నెటిజన్లు.
महाराष्ट्र के गढ़चिरौली में लीक हो रही थी बस की छत, ड्राइवर एक हाथ में छाता और दूसरे में स्टीयरिंग पकड़े चला रहा था बस. pic.twitter.com/zMj00bKuva
— Utkarsh Singh (@UtkarshSingh_) August 25, 2023
ఈ వీడియో వైరల్ కావడంతో ఇప్పుడు దీనిపై రాజకీయాలు కూడా మొదలయ్యాయి. ఈ వీడియోను ట్వీట్ చేయడం ద్వారా ముంబై కాంగ్రెస్ ప్రభుత్వాన్ని లక్ష్యంగా చేసుకుంది. అదే సమయంలో వినియోగదారులు కూడా ఈ వీడియోపై భిన్నమైన కామెంట్స్‌ చేస్తున్నారు. ఆ బస్సులోని ప్రయాణికులకు ఆ దేవుడే దిక్కు అంటున్నారు.
ఇకపోతే, మహారాష్ట్రలోని గడ్చిరోలిలో ఇలాంటి పైకప్పు విరిగిపోయి బస్సు ప్రజా రవాణా కోసం వినియోగిస్తున్నట్టుగా అర్థమవుతోంది. ఇది సోషల్ మీడియాలో విస్తృతంగా కనిపించింది. మహారాష్ట్ర స్టేట్ రోడ్ ట్రాన్స్‌పోర్ట్ కార్పొరేషన్ (MSRTC) బస్సుగా గుర్తించారు. గడ్చిరోలి-అహేరి రహదారిపై ఇలాంటి టాప్‌లెస్‌ బస్సును నడుపుతున్నాడు డ్రైవర్. అయితే, వీడియో వైరల్ కావటంతో అధికారులు చర్యలు తీసుకున్నట్టుగా తెలిసింది.
మరిన్ని జాతీయ వార్తల కోసం క్లిక్ చేయండి..
