Viral Video: నాకు ఫైన్‌ సరే.. మీ సంగతేంది?.. ట్రాఫిక్‌ పోలీసులకు చుక్కలు చూపించిన విద్యార్థి

చలాన్ విధించిన ట్రాఫిక్‌ పోలీసులకు ఓ వ్యక్తి చుక్కలు చూపించిన ఘటన మహారాష్ట్రలోని థానేలో చోటుచేసుకుంది. సాధారణంగా ట్రాఫిక్‌ పోలీసులు చలాన్‌ వేస్తే వాహనదారులు కోపంతో రగిలిపోవడమే తప్పా ఏమీ చేయలేరు. అయితే, మహారాష్ట్రలోని థానేలో ఒక వ్యక్తి పోలీసులపై తనదైన రీతిలో ప్రతీకారం తీర్చుకున్నాడు. ఈ సంఘటనకు సంబంధించిన వీడియో సోషల్‌ మీడియాలో వైరల్‌గా మారింది. తొలుత పోలీసులు ఆ వ్యక్తి వెహికిల్‌కు చలాన్ జారీ చేశారు. తరువాత అతను ట్రాఫిక్ నియమాలను ఉల్లంఘించిన పోలీసులపై ఓ రేంజ్‌లో ప్రతీకారం తీర్చుకున్నాడు.

ఈ సంఘటన వాగ్లే ఎస్టేట్ (థానే)లోని అంబికానగర్‌లో జరిగింది, అక్కడ ఇద్దరు ట్రాఫిక్ పోలీసులు హెల్మెట్ ధరించనందుకు ఒక విద్యార్థికి చలాన్ జారీ చేశారు. ఆ తర్వాత, నిబంధనలకు విరుద్దంగా నంబర్ ప్లేట్ సరిగా లేని స్కూటర్‌ను నడుపుతున్న ఇద్దరు పోలీసులను విద్యార్థి పట్టుకున్నాడు. పోలీసులకు, విద్యార్థికి మధ్య తీవ్ర వాగ్వాదం జరిగింది. ఈ విషయం సీనియర్ పోలీసు అధికారులకు చేరడంతో దర్యాప్తు చేపట్టారు.

వీడియో చూడండి:

नंबर प्लेट ठीक नहीं तो युवक ने ट्रैफिक पुलिस की ही स्कूटी रुकवा दी 😲

मामला अंबिकानगर, वागले स्टेट ( ठाणे) महाराष्ट्र का बताया जा रहा, जहां ट्रैफिक पुलिस ने हेलमेट न होने की वजह से एक युवक का चालान काट दिया, फिर जब वह जाने लगे तो युवक ने देखा कि जिस स्कूटी से ट्रैफिक पुलिस वाले… pic.twitter.com/YTUK4rpBly

— Manish Yadav (@itsmanish80) October 28, 2025

వైరల్ వీడియోలో ఒక యువకుడు స్కూటర్‌పై ఇద్దరు ట్రాఫిక్ పోలీసులను వెంబడిస్తున్నట్లు కనిపిస్తుంది. ఆ వ్యక్తి వెంబడిస్తున్నట్లు చూసిన పోలీసులు స్కూటర్‌ను ఆపి, ఆ తర్వాత ఇద్దరూ మరాఠీలో మాటలతో గొడవ పడ్డారు. ఈ వీడియోను @itsmanish80 అనే యూజర్ ట్విట్టర్‌లో పోస్ట్ చేశారు, ఈ సంఘటన వాగ్లే ఎస్టేట్ (థానే)లోని అంబికానగర్‌లో జరిగిందని, అక్కడ హెల్మెట్ ధరించనందుకు ఒక యువకుడికి ట్రాఫిక్ పోలీసులు చలాన్ జారీ చేశారని ఆయన వీడియోకు క్యాప్షన్ ఇచ్చారు.

పోస్ట్ ఇంకా ఇలా చెబుతోంది, “వారు వెళ్తుండగా, ట్రాఫిక్ పోలీసు నడుపుతున్న స్కూటర్ నంబర్ ప్లేట్ సరిగ్గా లేదని ఆ యువకుడు గమనించాడు. ఆ యువకుడు అతన్ని ఆపి మొత్తం సంఘటనను చిత్రీకరించాడు. స్కూటర్‌ను స్వాధీనం చేసుకుని పోలీస్ స్టేషన్‌కు తీసుకెళ్తున్నామని ట్రాఫిక్ పోలీసులు చెబుతున్నారు. అయితే స్కూటర్‌పై పోలీసు స్టిక్కర్ ఉందని కూడా చెబుతున్నారు. ఈ సంఘటన వెలుగులోకి వచ్చినప్పుడు, ప్రజలు థానే ట్రాఫిక్ డిపార్ట్‌మెంట్ నుండి వివరణ కోరారు.”

అధికారులు, బాలుడి మధ్య జరిగిన సంభాషణను అధికారులు ట్రాఫిక్ నిబంధనలను కూడా ఉల్లంఘించారని వీడియో చూపిస్తుంది. తరువాత అధికారులు దీనిని ప్రతీకార చర్యగా అభివర్ణించారు మరియు దానిపై పోలీసు స్టిక్కర్ ఉన్నప్పటికీ స్కూటర్‌ను స్వాధీనం చేసుకుంటున్నామని పేర్కొన్నారు.