Snake: చూశారా మీరు ఇలాంటి పాముని.. గాలి వాన వచ్చినా కదలికే లేదు..

అస్సాంలోని బజాలి జిల్లా తిట్కా ప్రాంతంలో ఒక వినూత్న దృశ్యం అందరినీ ఆకట్టుకుంటోంది. శివాలయం సమీపంలోని ఓ చెట్టును ఎండిన వరిగడ్డితో చేసి పెద్ద నాగుపాము కనిపిస్తోంది. ఆ పామును స్థానిక యువకులు తమ చేతులతోనే తయారు చేశారు. కారణం.. శివపూజకు ముందు ఆ చెట్టును ఎవరూ నరికేయకుండా కాపాడటమే. ఆ చెట్టుకు హాని చేయవద్దని ప్రజలకు గుర్తు చేయడానికి ఆ పామును ఓ సూచనగా వారు అక్కడ ఉంచారు. చెట్టు చుట్టూ వరిగడ్డితో అల్లిన ఆ నాగరూపం ఇప్పుడు గ్రామ గౌరవం అయిపోయింది. నెలలు గడిచాయి. జోరు వానలు, భీకర గాలులు ఎంత బలంగా వీచినా.. ఆ పాము మాత్రం ఇప్పటికీ దాని ఆకారం కోల్పోలేదు. కాలం గడిచినా అది అలాగే నిలిచి ఉంది. దీంతో ఇదంతా దేవుని మహిమ అంటున్నారు స్థానికులు.

Also Read: గంగమ్మకు మొక్కి వల వేసిన జాలరి.. చిక్కింది చూసి సంబరం..

“శివాలయం దగ్గర ఉన్న ఈ చెట్టును ఎవరూ హానిచేయరాదనే సందేశంతో పాము రూపం చేశాం. భగవాన్ శివుడి కటాక్షంతోనే ఇది నిలిచి ఉందని మా నమ్మకం” అని స్థానికులు చెబుతున్నారు. ఇప్పుడు ఆ చెట్టు నీడలో కూర్చుని భక్తులు ప్రార్థనలు చేస్తున్నారు. కొందరు ధ్యానం చేస్తున్నారు. ఇది విశ్వాసం, ప్రకృతి రెండూ కలిసిన అద్భుతం అంటున్నారు. కొందరు కొత్తగా అటువైపు వచ్చిన ఆ చెట్టు చుట్టూ ఉన్న పామును చూసి ఆశ్చర్యపోతున్నారు. వరిగడ్డితో చేసిన ఆ పాము చెట్టును మాత్రమే కాదు, మనుషుల మనసుల్లోని భక్తిని కూడా కాపాడుతోంది.

మరిన్ని ట్రెండింగ్ వార్తల కోసం ఇక్కడ క్లిక్ చేయండి.