Viral Video: పాపం ఏనుగు..నక్కజిత్తులోని నటన నిజమనుకున్నది… వైరల్‌ వీడియో చూసి నెటిజన్స్‌ ఏమోషనల్‌

ప్రస్తుతం సోషల్‌ మీడియాలో ఓ ఏనుగుకు సంబంధించిన వీడియో వైరల్‌ అవుతోంది. ఏనుగు దాని యజమాని పట్ల అనుసరించిన వైఖరి సోషల్ మీడియాలో బాగా ప్రాచుర్యం పొందింది. ఈ వీడియోను చూసిన నెటిజన్స్‌ భావోద్వేగానికి గురవుతున్నారు. ఈ వైరల్ వీడియోలో ఏనుగు విధేయత, యజమాని పట్ల దాని లోతైన అనుబంధాన్ని చూడవచ్చు. వీడియోలో ఒక ఏనుగు దాని యజమానితో అడవి గుండా వెళుతున్నట్లు చూడవచ్చు. అకస్మాత్తుగా ఆ వ్యక్తి నేలపై పడినట్లు నటిస్తాడు. ఇది చూసిన ఏనుగు వెంటనే కలత చెందుతుంది. దీంతో వెంటనే యజమానిని పైకి లేపడానికి ప్రయత్నించడం ప్రారంభిస్తుంది.

ఈ సమయంలో మాటలు రాని ఆ జంతువు దాని బరువైన పాదం దాని యజమాని శరీరంపై పడకుండా ప్రత్యేక శ్రద్ధ తీసుకుంటుంది. వీడియోలో ఏనుగు నెమ్మదిగా యజమానిని తన తొండంతో లేపడం మీరు చూస్తారు. ఈ దృశ్యం ప్రజల హృదయాలను గెలుచుకుంటోంది.

ఈ వీడియోను సోషల్ మీడియా ప్లాట్‌ఫామ్‌లో షేర్‌ చేశారు. లక్షలాది మంది వీక్షించారు, వేలాది మంది లైక్‌ చేశారు. ఈ వీడియో చూసిన తర్వాత, ప్రజలు వివిధ రకాల ప్రతి స్పందనలు ఇస్తున్నారు.

వీడియో చూడండి:

View this post on Instagram

A post shared by Subhash Dixit (@s_d_entertainments)

మనిషిని అంతగా ప్రేమించకు నా మూగ స్నేహితుడా అంటూ కొందరు పోస్టు పెట్టారు. ధర మంచిదైతే అతను తన మనస్సాక్షిని కూడా అమ్మేస్తాడు, రీల్ కోసం జంతువు భావాలతో ఆడుకోకు అని మరొక వినియోగదారు కామెంట్ చేశారు.