Viral Video: నూడుల్స్‌ సూప్‌లో ఐస్‌క్రీమ్‌.. లొట్టలేసుకుని తింటోన్న కస్టమర్లు.. ఎక్కడంటే..

రెగ్యులర్‌ వంటకాలు, ఆహార పదార్థాలు తిని విసుగొచ్చిందేమో ఇటీవల కొందరు వెరైటీ వంటకాలు ప్రయత్నిస్తున్నారు. కొత్త కొత్త కాంబినేషన్లతో రెసిపీలు ప్రయత్నిస్తున్నారు.

Ramen Noodles

Basha Shek |
Updated on: Mar 25, 2022 | 8:00 AM

రెగ్యులర్‌ వంటకాలు, ఆహార పదార్థాలు తిని విసుగొచ్చిందేమో ఇటీవల కొందరు వెరైటీ వంటకాలు ప్రయత్నిస్తున్నారు. కొత్త కొత్త కాంబినేషన్లతో రెసిపీలు ప్రయత్నిస్తున్నారు. అనంతరం వాటిని సోషల్‌ మీడియాలో పోస్ట్‌ చేస్తున్నారు. ఈ వెరైటీ వంటకాల్లో కొన్ని ఆకట్టుకుంటుంటే.. మరికొన్ని మాత్రం వికారం తెప్పిస్తున్నాయి. తాజాగా అలాంటి కొత్త వంటకం ఒకటి సోషల్‌ మీడియాలో వైరల్‌గా మారింది. సాధార‌ణంగా నూడుల్స్, ఐస్‌క్రీం వేర్వేరుగా తింటాం. కానీ ఓ చోట మాత్రం ఏకంగా నూడుల్స్ సూప్‌లోనే ఐస్‌క్రీం ఏసుకొని లాగించేస్తున్నారు. ఈ వెరైటీ వంటకానికి సంబంధించిన వీడియో నెట్టింట బాగా వైర‌ల్ అవుతోంది. ఈ వీడియోను చూసిన నెటిజన్లు భిన్న రకాలుగా స్పందిస్తున్నారు. ‘ఇదేం వంటకంరా బాబూ.. మీ టేస్ట్‌ తగలయ్యా’ అంటూ కామెంట్ల వర్షం కురిపిస్తున్నారు.

కాగా ఈ కొత్త వంట‌కానికి కేరాఫ్ అడ్రస్‌గా నిలిచింది జ‌పాన్‌. ఒసాకా సిటీలో ఉన్న ఫ్రాంకెన్ రెస్టారెంట్ లో ఈ వెరైటీ వంటకాన్ని తయారుచేసి కస్టమర్లకు సర్వ్‌ చేస్తున్నారు. కాగా ఇక్కడి ప్రజలు రామెన్ నూడుల్స్ ను ఇష్టంగా తీసుకుంటారు. తాజాగా ఈ వంటకానికి ఐస్‌క్రీమ్‌ ఫ్లేవర్‌ను జోడించారు. రామెన్ నూడుల్స్‌సూప్‌పై మెత్తటి ఐస్‌క్రీమ్ టాపింగ్‌తో అలంకరించి సర్వ్‌ చేస్తున్నారు. దీంతో రెస్టారెంట్ కొచ్చిన కస్టమర్లు లొట్టలేసుకుంటూ మరీ ఈ వంట‌కాన్ని తింటున్నారు. కాగా ఈ వంటకం వీడియోను జెస్సే ఒగుండిర‌న్ అనే ఫుడ్‌బ్లాగర్‌ సోషల్‌ మీడియాలో పోస్ట్‌ చేశాడు. దీంతో అది కాస్తా వైరల్‌గా మారింది.