Viral Video: చెరకు రసంలో కాళికా దేవి పూజ నిమ్మకాయలు… దుకాణ దారుడికి కస్టమర్స్‌ బడితె పూజ

వేసవిలో చెరకు రసం ఎక్కువగా తీసుకుంటారు. గ్లాసు రూ.20 నుంచి రూ.50 వరకు అమ్మే ఈ జ్యూస్‌లో దుకాణదారులు నిమ్మకాయ నుండి పుదీనా, నల్ల ఉప్పు వరకు అన్నీ కలుపుతారు. తద్వారా తీపిని పరిమితం చేయవచ్చు, రుచి చెక్కుచెదరకుండా ఉంటుంది. కానీ ఇంటర్నెట్‌లో వైరల్ అయిన ఒక వీడియోలో నిమ్మకాయపై తీవ్ర దుమారం చెలరేగింది. ఆ నిమ్మకాయలు సాధారణ నిమ్మకాయలు కావు. కాళీ మాత ఆలయం నుండి తెచ్చినవి. ఇది తెలియగానే, ప్రజలు దుకాణదారుడికి బడితెపూజ చేశారు. ఈ సంఘటనకు సంబంధించిన వీడియో నెట్టింట్ల వైరల్‌ అవుతోంది.

కాళీకా దేవికి నిమ్మకాయల దండను సమర్పిస్తారు. ప్రతికూల శక్తిని మరియు దుష్ట శక్తులను నిమ్మకాయలు దూరం చేస్తుందని నమ్మకం. ఇది తాంత్రిక పూజలో కూడా నిమ్మకాయలను వాడతారు. ఈ వీడియోలో, ఆ వ్యక్తి చెరకు రసం అమ్ముతున్న వ్యక్తి వైపు చూపిస్తూ, తాను మాతా కాళి ఆలయం నుండి నిమ్మకాయలు తెచ్చానని చెబుతున్నాడు. ఆ వ్యక్తి జపమాల చూపించి, ‘ఇది కాళీ మాత ఆలయంలో సమర్పించబడింది’ అని చెప్పాడు. ఇది విన్న వెంటనే, ఒక వ్యక్తి దుకాణంలో పనిచేసే అబ్బాయిలను కొట్టడం ప్రారంభిస్తాడు. కానీ కెమెరామెన్ అతన్ని అలా చేయకుండా ఆపి, వాటిని వీడియో తీయనివ్వమని అంటాడు.

ఆ క్లిప్‌లో ఆ వ్యక్తి ‘ఇది నిమ్మకాయల దండ, ఢిల్లీలోని శని బజార్ రోడ్ గల సుల్తాన్‌పురి కాళీ మాతకు సమర్పించారు’ అని చెబుతున్నాడు, మొత్తం మీద చెరకు రసం దుకాణం నడుపుతున్న బాలుడు కాళీ మాతకు సమర్పించిన నిమ్మకాయలను తీసుకువస్తాడు. దాన్ని రసంలో కలిపాలని చూస్తాడు. కానీ ఆ వ్యక్తి అతన్ని రెడ్ హ్యాండెడ్‌గా పట్టుకుంటాడు. ఈ వీడియో నెట్టింట వైరల్‌ అవుతోంది. చెరకు రసంలో ఏ నిమ్మకాయను ఉపయోగిస్తున్నారో చూడండి అంటూ సోషల్‌ మీడియాలో పోస్ట్‌ చేశారు.

అయితే నెటిజన్స్‌ మాత్రం చెరుకు రసం దుకాణదారుడికి సపోర్ట్‌ చేస్తూ పోస్టులు పెడుతున్నారు. ఇందులో తప్పు లేదు, పెద్ద దేవాలయాలలో కూడా ప్రసాదంగా ఇచ్చిన కొబ్బరికాయలను దుకాణాల్లో తిరిగి అమ్ముతారని కామెంట్స్‌ చేస్తున్నారు. ఇది అమ్మ ఆశీర్వాదం అన్నయ్య, ఇందులో చెడు ఏముంది అని మరో యూజర్‌ పోస్టు పెట్టాడు.

వీడియో చూడండి:

View this post on Instagram

A post shared by Neeraj makwana (@neeraj.mak)