ఆమెకు 24.. ఆయనకు 62.. అతడి మొదటి పెళ్ళికి ఆమె అతిథి.. ఇప్పుడు అతడికే మూడో భార్యగా మారింది
విధి ఆడే వింత ఆటలో ఎన్నో విచిత్రమైన మలుపులుంటాయి. అలాంటి విచిత్ర సంఘటన ఒకటి ఇండోనేషియాలో చోటు చేసుకుంది. అంతేకాదు ప్రసుతం ఇండోనేషియాకు చెందిన ఓ జంట ప్రస్తుతం సోషల్ మీడియాలో వార్తల్లో నిలుస్తోంది. 23 ఏళ్ల మహిళ 62 ఏళ్ల వ్యక్తిని వివాహం చేసుకుంది. ఆశ్చర్యకరమైన విషయం ఏంటంటే.. పెళ్లి చేసుకున్న తర్వాత తాను చిన్న తనంలో తన భర్త మొదటి పెళ్లికి హాజరైనట్లు కనుగొంది.
ఇండోనేషియాలోని బంగ్కా ద్వీపానికి చెందిన 23 ఏళ్ల రెనాటా ఫదేయా తన కంటే 38 ఏళ్లు పెద్దవాడైన వ్యక్తిని వివాహం చేసుకున్న తర్వాత.. 15 సంవత్సరాల క్రితం తన భర్తను కలినట్లు గ్రహించింది. తన భర్త సైఫ్ అలీఖాన్‌ను మొదటిసారిగా వివాహం చేసుకున్నప్పుడు తన వయసు 9 ఏళ్లు మాత్రమేనని తాను కూడా ఆ వివాహంలో భాగస్వామి అయినట్లు యువతి చెప్పింది. కొన్నేళ్లుగా పరిచయాన్ని కోల్పోయిన ఈ జంట దశాబ్దంన్నర తర్వాత మళ్లీ కనెక్ట్ అయ్యారు. ఫదేయా తన అసాధారణ అనుభవాన్ని టిక్ టాక్ లో పంచుకుంది. 7.1 మిలియన్లకు పైగా వ్యూస్ ను సొంతం చేసుకుంది.
వైరల్ ఫోటోలో 2009లో తన భర్త మొదటి వివాహానికి సంబంధించిన గ్రూప్ ఫోటో ఉంది. అందులో తొమ్మిదేళ్ల బాలిక ఫదీయా ఇప్పుడు 62 ఏళ్ల తన భర్త దగ్గర నిలబడి ఉంది.
తాను తన భర్తకు దూరపు బంధువుని అని ఒకరికొకరు తెలియనప్పటికీ మళ్ళీ తాము 2019 లో కలిసినట్లు 2020 లో వివాహం చేసుకున్నామని పేర్కొంది. ఒక సంవత్సరం తరువాత ఒక బిడ్డను స్వాగతించారు. తన భర్త, అతని రెండో భార్య 2011లో విడిపోయారని, అందుకే విడిపోవడానికి తాను కారణం కాదంటూ ఫదేయా చెప్పింది. అతని రెండవ వివాహం నుండి అతనికి పిల్లలు లేరు మరియు అతని మొదటి నుండి ఒక బిడ్డ మాత్రమే అని వెల్లడించింది.
ఇప్పుడు తాను అతని మూడవ భార్యని అని తన 62 ఏళ్ల భర్త తనను బాగా చూసుకుంటున్నాడని యువతి పేర్కొంది. ఇండోనేషియాలో ఇలాంటి పెళ్లిళ్లు జరగడం ఇదే తొలిసారి కాదు.. ఇలాంటివి ఎన్నో జరుగుతున్నాయి. ఇండోనేషియాలో, బాల్య వివాహం సర్వసాధారణం. యునిసెఫ్ నివేదిక ప్రకారం, నాలుగింట ఒక వంతు మంది మహిళలు 18 ఏళ్లలోపు వివాహం చేసుకుంటారు.
మరిన్ని ట్రెండింగ్ వార్తల కోసం ఇక్కడ క్లిక్ చేయండి..
