Funny Video: ఇదెక్కడి నడకరా అయ్యా..! మిస్ వరల్డ్ ట్రైనింగ్ అయితే కాదుగా?.. వైరల్ అవుతున్న వీడియో..
నిత్యం ఎన్నో కొత్త విషయాలను మనకు తెలియజేసే సోషల్ మీడియాలో ప్రస్తుతం ఒక వీడియో హల్‌చల్ చేస్తోంది. ఆ వీడియోను చూస్తే నవ్వకుండా ఉండలేరు. ఆఖరికి కోపంలో..
సోషల్ మీడియా అనేది నిజంగా ఒక అద్భుతం. నిత్యం ఎన్నో కొత్త విషయాలను మనకు తెలియజేసే సోషల్ మీడియాలో ప్రస్తుతం ఒక వీడియో హల్‌చల్ చేస్తోంది. ఆ వీడియోను చూస్తే నవ్వకుండా ఉండలేరు. ఆఖరికి కోపంలో ఉన్నవారు అయినా ఈ వీడియో చూస్తే తప్పక నవ్వేస్తారు. ఎందుకంటే మనం ఇప్పటివరకు అందమైన అమ్మాయిలు చేసే క్యాట్ వాక్‌ను చూసి ఉంటాం. కానీ ఈ విధమైన నడకను ఎక్కడా చూసి ఉండం. అలాంటి నడక ఇది. విషయం ఏమిటంటే.. ప్రస్తుతం వైరల్ అవుతున్న ఈ వీడియో ఒక బాతుకు సంబంధించినది. ఇక సోషల్ మీడియాలో చక్కర్లు కొడుతున్న ఈ వీడియోలో ఆ బాతు వయ్యారంగా నడుచుకుంటూ ఎక్కడికో వెళ్తోంది. క్యాట్ వాక్‌కు మించిన రీతిలో ఈ బాతు నడక ఉండడంతో నెటిజన్లు ఈ వీడియోను తెగ షేర్ చేసేస్తున్నారు.
beutefullearth అనే ఇన్‌స్టాగ్రామ్ ఖాతా నుంచి పోస్ట్ అయిన ఈ వీడియోలో ఒక బాతు వయ్యారంగా నడవడాన్ని మనం చూడవచ్చు. వీడియో మొదలైన క్షణం నుంచి చివరి క్షణం వరకు కూడా ఆ బాతు అలాగే నడుస్తుంది. అది నడిచే వీధిలో ఎవరూ లేకపోవడంతో అది దర్జాగా నడుచుకుంటూ ముందుకు సాగిపోయింది. ఇక ఈ వీడియోకు పోస్ట్ అయిన నాటి నుంచి ఇప్పటి వరకు దాదాపు 80 లక్షల వీక్షణలు.. సుమారు 4 లక్షల 2 వేల లైకులు వచ్చాయి.
View this post on Instagram
ఇక ఈ వీడియోను చూసిన నెటిజన్లు వారి వారి అభిప్రాయాలను, స్పందనలను కామెంట్ల ద్వారా తెలియజేస్తున్నారు. ఈ క్రమంలోనే ఒక నెటిజన్ ‘ఇది పక్క ఆడ బాతు’ అని కామెంట్ చేయగా.. మరో నెటిజన్ ‘మిస్ వరల్డ్ అవ్వడానికి ట్రైనింగ్ తీసుకుంటుంద’ని రాసుకొచ్చాడు. అలాగే ఇంకో నెటిజన్ ‘అసలైన రాప్ వాకర్’ అని రిప్లై ఇచ్చాడు. ఇలా నెటిజన్లు వారి వారి స్పందనలు తెలియజేస్తున్నారు.
మరిన్ని ట్రెండింగ్ వీడియో వార్తల కోసం ఇక్కడ క్లిక్ చేయండి..
