Viral News: సముద్రంలో చేపల కోసం వేటకు వెళ్తే.. జాలర్లకు ఊహించని షాక్.. ఎదురుగా.!
సముద్రగర్భంలో అనేక రకాల వింత జీవులు ఉన్నాయని మనందరికీ తెలిసిందే. అవి ఎన్నో వేల ఫీట్ల లోతులో ఉంటాయి. అలాగే వాటికి...
సముద్రగర్భంలో అనేక రకాల వింత జీవులు ఉన్నాయని మనందరికీ తెలిసిందే. అవి ఎన్నో వేల ఫీట్ల లోతులో ఉంటాయి. అలాగే వాటికి సంబంధించిన రహస్యాలు మనకెవ్వరికీ తెలియవు. అయితే అప్పుడప్పుడూ అలాంటి జీవులు కొన్ని ఒడ్డుకు కొట్టుకొచ్చిన సందర్భాలు కోకోల్లలు. సరే.! ఇప్పుడిదంతా ఎందుకు చెబుతున్నానంటే.. ఓ ఇద్దరు జాలర్ల గాలానికి భారీ చేప చిక్కింది. ఇక దాన్ని చూసిన ఆ ఇద్దరి ఫ్యూజులు ఒక్కసారిగా ఔట్ అయ్యాయి. అసలు ఆ చేప ఏంటి.? వివరాలు ఏంటో.? ఇప్పుడు చూద్దాం..
కాలిఫోర్నియాకు చెందిన రిచ్ జర్మన్, మాట్ వీటన్ అనే ఇద్దరు మత్స్యకారులు సముద్రంలో చేపల వేటకు వెళ్లారు. ఇక వాళ్ల గాలానికి ఓ చేప చిక్కింది. అది అలాంటి.. ఇలాంటి చేప కాదు.. ప్రపంచంలోనే అతిపెద్ద సన్‌ఫిష్ (Giant Sunfish). దాన్ని పట్టుకోవడం వారికి అసాధ్యం కావడంతో.. తమ కెమెరాలతో ఫోటోలు తీశారు. అవి కాస్తా నెట్టింట వైరల్‌గా మారాయి.
ఈ భారీ సన్‌ఫిష్.. ఎంత పెద్దదిగా ఉందో.. అంత అసహ్యంగా కూడా ఉందని అన్నారు ఆ మత్స్యకారులు. సుమారు 10 అడుగుల పొడువు ఉంటుందని చెప్పుకొచ్చారు. ఈ సన్‌ఫిష్ ప్రపంచంలోనే అతిపెద్ద చేపగా రికార్డు సృష్టిస్తుందని అన్నారు. అయితే సదరు చేపకు సంబంధించిన ఫోటోలు ఆధారంగా దాన్ని రికార్డుల్లోకి ఎక్కించలేమని గిన్నిస్ బుక్ నిపుణులు అంటున్నారు. ఆ చేపను పట్టుకోవడం ద్వారా దాని పొడవు, బరువు కొలవొచ్చు. తద్వారా రికార్డుకు పరిగణనలోకి తీసుకునే వీలు ఉంటుందని అన్నారు.
ఇదిలా ఉంటే.. ఈ భారీ చేప ఫోటోలు చూసిన నెటిజన్లు.. ఇది చూడటానికి ఏలియన్ షార్క్ మాదిరిగా ఉందని అంటున్నారు. దీని ముఖం వికృతం, వికారంగా ఉందని చెబుతున్నారు. కాగా, ప్రపంచంలోనే అతిపెద్ద సన్ ఫిష్ 1996లో జపాన్‌లోని చిబాలో కనిపించింది. దాని బరువు దాదాపు 2300 కిలోలు.
Also Read:
Viral News: డిన్నర్ డేట్‌కు వెళ్లారు.. లైట్‌గా ఫుడ్ లాగించారు.. చివరికి బిల్లు చూసి కళ్లు తేలేసారు!
