Viral News: 3 లక్షలు ఉన్న బ్యాగ్ కొట్టేసిన కోతి.. పోలీస్ స్టేషన్‌కు పంచాయతీ.. ఆ తర్వాత ఏం జరిగిందంటే..?

కోతులు పరిసర ప్రాంతాలలో ఉంటే మనుషులకు ఎప్పుడూ తిప్పలే. అవి తింగరి పనులతో తెగ విసిగిస్తుంటాయి. చేతిలో ఏవి ఉంటే వాటిని లాగేసుకొని వెళ్లిపోతాయి. పల్లెటూర్లలో అయితే ఏకంగా ఇళ్లల్లోకే ప్రవేశించి నానా హడావిడి చేస్తాయి. పురుషులు గద్దిస్తే కాస్త బెదురుతాయి కానీ, మహిళలు అయితే కొన్ని కోతులు లెక్క కూడా చేయవు. కోతులు పరిసర ప్రాంతాలల్లో ఉంటే అది మాములు టెన్షన్ కాదు. కాగా తాజాగా ఓ కోతి చేసిన విచిత్రపని ఓ వ్యక్తిని ఇబ్బందుల్లోకి నెట్టేసింది. ఇంతకీ కోతి చేసిన ఆ తింగరి పని ఏంటో తెలుసుకుందాం పదండి.

ఉత్తరప్రదేశ్‌లోని హార్దోయి జిల్లాలో సాండీ పోలిస్టేషన్ పరిధిలో రోడ్డు పక్కన ఆశిష్ సింగ్ అనే వ్యక్తి  బైక్ నిలిపి ఉంచాడు. అయితే ఎట్నుంచి వచ్చిందో ఏమో తెలియదు కానీ ఓ కోతి బైక్ వద్దకు వచ్చింది. బైక్‌ కవర్‌లో  ఉన్న బ్యాగ్‌ను ఎత్తుకొని వెళ్లి చెట్టు మీద కూర్చుంది. ట్విస్ట్ ఏంటంటే.. ఆ బ్యాగ్‌లో 3 లక్షల రూపాయల నగదు ఉంది. అది గమనించిన బైక్ యజమాని బ్యాగ్‌ను దక్కించేందుకు నానా ప్రయత్నాలు చేసినా సఫలీకృతం కాలేదు.  దీంతో ఆగ్రహానికి లోనైన ఆశిష్ సింగ్ ఏం చెయ్యాలో తెలియక పోలీస్టేషన్‌లో ఫిర్యాదు చేయడానికి వెళ్లాడు. అతడు అక్కడ్నుంచి వెళ్లగానే కోతి ఏమనుకుందో…ఏమో కానీ, మూడు లక్షలు ఉన్న బ్యాగ్‌ను కింద పడేసింది. దీనిని సమీపంలో ఉన్న ఒక సెక్యూరిటీ గార్డు గమనించి, ఆ సొమ్మును తీసుకు వచ్చి పోలీసులకు అప్పగించారు. వారు ఆశిష్‌కు ఆ మొత్తాన్ని అందజేశారు. పోలీసులతో పాటు, ఆశిష్ ఆ సెక్యూరిటీ గార్డు నిజాయితీని మెచ్చుకున్నారు. కోతి చేతిలో పడింది..ఇక చేతికి రాదనుకున్న డబ్బు తిరిగి లభించటంతో..అంతా ఊపిరి పీల్చుకున్నారు.

Also Read: రమ్య మర్డర్ వెనుక మిస్టరీ వీడింది.. కీలక విషయాలు వెల్లడించిన గుంటూరు డీఐజీ రాజశేఖర్‌బాబు

‘తలైవా’ ధోనిని కలిసేందుకు 1400 కిలోమీటర్లు కాలినడకన వెళ్లిన ఫ్యాన్.. ఫైనల్‌గా..?