గూడు కట్టే ఏకైక పాము.. లోపల చూస్తే బిత్తరపోతారు.. పిల్లల కోసం 90 రోజుల కఠిన తపస్సు..

ప్రపంచంలోనే అత్యంత పొడవైన, విషపూరితమైన పాముగా పేరుగాంచిన కింగ్ కోబ్రా గురించి మనకు తెలియని ఎన్నో ఆసక్తికరమైన నిజాలు ఉన్నాయి. సాధారణంగా పాములు వేరే జంతువులు తవ్విన బొరియల్లో లేదా పుట్టల్లో నివసిస్తుంటాయి. కానీ పాముల జాతి మొత్తంలోనే… కేవలం రాజనాగు మాత్రమే ఒక పక్షిలాగా ఆకులు, అలములతో స్వయంగా గూడు కట్టుకుంటుంది. కానీ తాజా పరిశోధనల ప్రకారం రాజనాగు కేవలం ఒక క్రూరమైన సరీసృపం మాత్రమే కాదు.. అద్భుతమైన ఇంజనీరింగ్ నైపుణ్యాలు, బలమైన మాతృత్వ భావన కలిగిన ఒక విలక్షణమైన జీవి అని శాస్త్రవేత్తలు స్పష్టం చేస్తున్నారు.

కేవలం ఆకుల కుప్ప కాదు.. ఒక నేచురల్ ఇంక్యుబేటర్

ఆడ కింగ్ కోబ్రా తన శరీర సహాయంతో ఎండిన ఆకులను ఒకచోటకు చేర్చి పెద్ద కుప్పగా మారుస్తుంది. అయితే ఇది కేవలం ఆకుల కుప్ప మాత్రమే కాదు. ఈ ఆకులు కుళ్లిపోయే ప్రక్రియలో ఒక రకమైన సహజ ఉష్ణోగ్రత విడుదలవుతుంది. ఈ వేడి, గూటి లోపల ఉన్న ముట్టలు పొదగడానికి అవసరమైన సరైన ఉష్ణోగ్రతను స్వయంచాలకంగా నియంత్రిస్తుందని శాస్త్రవేత్తల పరిశోధనల్లో తేలింది.

గూటి లోపల రెండు అంతస్తుల రహస్యం

పరిశోధనల్లో కింగ్ కోబ్రా గూటి లోపలి నిర్మాణం రెండు పొరలుగా విభజించబడి ఉంటుందని కనుగొన్నారు. గూటి కింది భాగంలో ఆడ పాము గుడ్లను పెట్టి సురక్షితంగా ఉంచుతుంది. పై భాగంలో గుడ్లకు ఎలాంటి హాని జరగకుండా ఆకులు, మట్టితో మూసివేసి.. ఆ పైనే అది రౌండ్‌గా చుట్టుకుని పడుకుంటుంది.

ఇవి కూడా చదవండి

ఇది మామూలు కథ కాదు.. వాట్సప్ స్టేటస్‌తో భార్య గుట్టురట్టు..

పుష్ప సీన్‌ను మించి.. నదిలో వేల గ్యాస్ సిలిండర్లు..

ట్రైన్‌లో ఇవేం పనులు సామీ.. కొత్త జంట చేసిన పనికి అంతా అవాక్కు..

ఇది నా అడ్డా.. ఇక్కడి నుంచి కదిలేది లేదు.. నడిరోడ్డుపై చుక్కలు..

వాన రాదు.. ఎండ తాకదు..

ఈ గూటి లోపలి డిజైన్ ఎంత అద్భుతంగా ఉంటుందంటే.. భారీ వర్షాలు పడినా ఒక్క చుక్క నీరు కూడా లోపలికి వెళ్లకుండా, అదే సమయంలో గుడ్లు ఎండిపోకుండా తగినంత తేమను నిలిపి ఉంచేలా అత్యంత ఖచ్చితత్వంతో ఈ గూటిని నిర్మిస్తుంది. ఈ సహజ ఇంజనీరింగ్ టెక్నిక్ చూసి శాస్త్రవేత్తలు సైతం ముక్కున వేలేసుకుంటున్నారు.

90 రోజుల కఠిన తపస్సు.. కానీ చివర్లో ఊహించని ట్విస్ట్..

గుడ్లు పెట్టిన తర్వాత అవి పొదిగే వరకు ఆడ కింగ్ కోబ్రా ఆ గూటిని అంగుళం కూడా కదలకుండా రాత్రింబవళ్లు కాపలా కాస్తుంది. అడవిలోని ఇతర జంతువులు లేదా శత్రువులు గూటి దరిదాపుల్లోకి రాకుండా ప్రాణాలకు తెగించి పోరాడుతుంది. అయితే ఇక్కడే ప్రకృతి ఒక వింతైన ట్విస్ట్ ఇచ్చింది. గుడ్లు పొదిగి పిల్లలు బయటకు వచ్చే సమయానికి.. ఆకలి మీద ఉన్న తనే సొంత పిల్లలను వేటాడి తినేయకూడదనే సహజమైన అంతర్ దృష్టి కారణంగా.. ఆ తల్లి రాజనాగు గూటిని వదిలేసి ఎటో వెళ్లిపోతుంది.

తాజా పరిశోధనలు కింగ్ కోబ్రా గురించి మనకున్న పాత అభిప్రాయాలను పూర్తిగా మార్చేస్తున్నాయి. కేవలం ఒక విష సర్పంగానే కాకుండా మాతృత్వానికి ప్రతిరూపంగా, ప్రకృతి ప్రసాదించిన ఒక అద్భుతమైన సివిల్ ఇంజనీర్‌గా రాజనాగు ఈ సృష్టిలో ప్రత్యేక స్థానాన్ని సంపాదించుకుంది.