Viral Video: అడ్డుగా ఉందని తలైవా స్టైల్లో తన్నాడు.. అడ్డంగా పడ్డాడు.. నవ్వులు పూయిస్తున్న వీడియో..
సూపర్ స్టార్ రజినీ కాంత్కు పాన్ ఇండియా లెవల్లో ఉన్న ఫాలోయింగ్ గురించి తెలిసిందే. భాషతో సంబంధం లేకుండా లక్షల్లో అభిమానులను సొంతం చేసుకున్నారు రజినీ కాంత్.
Rajitha Chanti | Edited By: Ram Naramaneni
Updated on: Jul 09, 2021 | 8:33 PM
సూపర్ స్టార్ రజినీ కాంత్కు పాన్ ఇండియా లెవల్లో ఉన్న ఫాలోయింగ్ గురించి తెలిసిందే. భాషతో సంబంధం లేకుండా లక్షల్లో అభిమానులను సొంతం చేసుకున్నారు రజినీ కాంత్. అభిమానులు ఆయనను ముద్దుగా తలైవా అని పిలుచుకుంటుంటారు. ప్రతి ప్రేక్షకుడు ఆయన స్టైల్ అండ్ ఆటిట్యూడ్కు ఫిదా కావాల్సిందే. ఆయన నడక, నటన,డ్యాన్స్, ఫైట్, డైలాగ్ ఇలా ప్రతి సీన్ను కాపీ కొడుతుంటారు. కానీ రజినీ స్టైల్ను ఫాలో అవ్వడమంటే అంత సులువు కాదని ఈ వీడియో చూస్తే అర్థమవుతుంది. అచ్చం తలైవి మాదిరిగానే రెడీ అయ్యి.. ఆయనలాగే నటిస్తూ.. ప్రేక్షకులను అలరిస్తూ ఉన్న ఓ వ్యక్తి అడ్డుగా ఉన్న కుర్చిని రజినీ స్టైల్లో తన్నాడు కానీ… సీన్ రివర్స్ అయ్యి అడ్డంగా పడ్డాడు. ఇందుకు సంబంధించిన వీడియో ఇప్పుడు సోషల్ మీడియాలో చక్కర్లు కొడుతుంది.
ఆ వీడియోలో.. ఓ వ్యక్తి పూర్తిగా రజినీ కాంత్ లాగా రెడీ అయ్యి.. ఆయనను ఇమిటేట్ చేస్తూ స్టేజ్ పై నిలబడి ప్రేక్షకులను అలరిస్తున్నాడు. అయితే వెనుకకు తిరిగి అక్కడే ఉన్న కుర్చిని రజినీ స్టైల్లో ఓ తన్ను తన్నాడు. అంతే కుర్చి పగిలి అందులో కాలు ఇరుక్కుపోయింది. దీంతో ఆ వ్యక్తి అడ్డంగా పడ్డాడు. వెంటనే అక్కడున్న వారు అతడిని లేపే ప్రయత్నం చేశారు. ఈ వీడియో ఇప్పుడు సోషల్ మీడియాలో చక్కర్లు కొడుతుంది. ఈ వీడియో చూసిన నెటిజన్లు ఫన్నీగా కామెంట్స్ పెడుతున్నారు. ఓ నెటిజన్ స్పందిస్తూ.. రజినీ కాంత్ను కాపీ కొట్టడం అంత సులువు కాదు అంటూ కామెంట్ చేశారు. ఈ వీడియోను ఇప్పటివరకు 7.7 లక్షల మందికి పైగా వీక్షించగా.. 51,000 పైగా లైక్స్ వచ్చాయి.
ట్వీట్..
View this post on Instagram
Rajini Kanth: చెన్నై చేరుకున్న సూపర్ స్టార్ రజినీ కాంత్.. తలైవికి ఘన స్వాగతం పలికిన అభిమానులు..
