Viral: రోడ్డు ఊడుస్తుండగా కనిపించిన నల్లటి బ్యాగ్.. ఓపెన్ చేయగా కళ్లు తేలేసిన మహిళ

మనలో ఎవరికైనా రోడ్డు మీద పదో.. వందో.. దొరికితే కచ్చితంగా దాన్ని జేబులో పెట్టుకునే ఇంటికి పోతాం. మనలోని స్వార్ధం ఆ పని చేసేలా చేస్తుంది. మచ్చుకైనా ఈ కాలంలో నీతి, నిజాయితీని మనం చూడటం తక్కువ. అయితే అలా కాదు.. ఇంకా నిజాయితీ బతికే ఉందని చెబుతూ ఓ మహిళ చేసిన పని ఇప్పుడు సోషల్ మీడియాలో వైరల్‌గా మారింది. ఓ మహిళ తనకు దొరికిన రూ. 10 లక్షలను నిజాయితీగా వెనక్కి ఇచ్చింది. ఈ పని చేసింది ఓ పారిశుద్ద్య కార్మికురాలు. ఈ ఘటన మహారాష్ట్రలోని పుణెలో జరిగిన ఈ సంఘటన గురించి ఇప్పుడు తెలుసుకుందాం.

వివరాల్లోకి వెళ్తే.. పూణేలోని సదాశివ్ పేఠ్​లో అంజు మానే అనే మహిళ పారిశుద్ధ్య కార్మికురాలిగా పని చేస్తోంది. ఆమె ఎప్పటిలానే నవంబర్​ 20న ఉదయం 7గంటలకు సదాశివ్​ పేఠ్​లోని ప్రతి ఇంటికి వెళ్లి చెత్త సేకరించడం, రోడ్డు ఊడుస్తుండగా.. ఆమెకు ఓ బ్యాగ్ కనిపించింది. ఆ బ్యాగ్ ఏంటా అని చూడగా.. దెబ్బకు షాక్ అయింది. అందులో మందులతోపాటు రూ. 10 లక్షల నగదు ఉండటాన్ని గమనించింది. ఆ డబ్బుకు ఏమాత్రం ఆశపడకుండా తిరిగి ఇవ్వాలనుకుంది.

మొదటిగా ఆ ప్రాంతంలో తనకు తెలిసిన ప్రతీ ఒక్కరిని ఈ బ్యాగ్ మీదేనా.. మీదేనా.. అంటూ అడిగింది. ఈలోపు ఓ వ్యక్తి ఏదో పోగొట్టుకున్నట్టు వీధిలో వెతుకుతూ కనిపిస్తాడు. అతడి దగ్గరకు వెళ్లి అడగగా.. ఆమెకు దొరికిన బ్యాగ్.. అతడిదే అని నిర్ధారించుకుని ఆ రూ. 10 లక్షల బ్యాగ్ తిరిగి ఇచ్చింది. తన నిజాయితీని నిరూపించుకుంది. ఈ క్రమంలోనే ఆమె చేసిన పనితో సోషల్ మీడియాలో ప్రశంసలు అందుకుంటోంది.