Om Shape Temple: ప్రపంచంలోనే మొట్టమొదటి ‘ఓం’ ఆకారంలో ఆలయం.. మనదేశంలోనే..! ఎక్కడో తెలుసా..?
ఈ శివాలయంలో 1008 వేర్వేరు విగ్రహాలు ప్రతిష్టించబడ్డాయి. ఓం ఆకారంలో ఉన్న ఈ ఆలయ ప్రాంగణంలో మొత్తం 108 గదులు ఉన్నాయి. దీని గోపురం 135 అడుగుల ఎత్తు, ఆలయం మధ్యలో గురు మహారాజ్ స్వామి మాధవానంద సమాధి ఉంది. పైభాగంలో మహాదేవుని శివలింగాన్ని ప్రతిష్టించారు. 1995లో శంకుస్థాపన చేసిన ఈ ఆలయ నిర్మాణ పనులు గత 25 ఏళ్లుగా కొనసాగుతున్నాయి.
Updated on: Feb 03, 2024 | 8:35 PM
భారతదేశంలోని దేవాలయాలు కేవలం భవనాలు మాత్రమే కాదు.. అవి సంస్కృతి-వారసత్వానికి ప్రతిబింబాలు. వాటి వైభవం ప్రపంచ ప్రసిద్ధి చెందుతోంది. దీనికి తాజా ఉదాహరణ అయోధ్యలోని శ్రీరామ మందిరం. ప్రపంచం నలుమూలల నుండి ప్రజలు భారతీయ దేవాలయాలను సందర్శించడానికి ఇష్టపడటానికి ఇదే కారణం. అంతేకాకుండా, ఈ దేవాలయాల అందమైన శిల్పకళ ఆధ్యాత్మిక శాంతిని అందిస్తుంది. దేశంలోనే శరవేగంగా ఖ్యాతి గడిస్తున్న అలాంటి దేవాలయం మరొకటి నిర్మించబడుతోంది. ఇది రాజస్థాన్‌లోని పాలిలో నిర్మిస్తున్న ‘ఓం’ ఆకారంలో ఉన్న ఆలయం. ఓం ఆకారంలో ఉన్న ఈ ఆలయం చాలా అందంగా ఉంటుంది. అలాగే ప్రపంచంలో ఓం ఆకారంలో నిర్మించిన తొలి ఆలయం ఇదే. ఈ ఆలయం భూమి నుండి మాత్రమే కాకుండా అంతరిక్షం నుండి కూడా చాలా అందంగా కనిపిస్తుంది. 1995లో మహా ఆలయానికి శంకుస్థాపన చేశారు.2023-24 నాటికి ఆలయ నిర్మాణం పూర్తికావాల్సి ఉంది. ప్రపంచవ్యాప్తంగా భక్తులను కలిగి ఉన్న స్వామి మహేశ్వరానంద మహారాజ్, ఓం ఆకారంలో ఉన్న ఈ ఆలయం ప్రపంచంలోనే మొదటిది.
రాజస్థాన్‌లోని పాలి జిల్లాలోని జదన్ గ్రామంలో అద్భుతమైన ఓం ఆకారంలో శివాలయాన్ని నిర్మిస్తున్నారు. ఈ ఆలయ నిర్మాణ పనులు చివరి దశలో ఉన్నాయని, ఈ ఏడాదికి సమాయత్తమవుతాయన్నారు. ఓం ఆకారంలో ఉన్న ఈ శివాలయాన్ని 250 ఎకరాల స్థలంలో నిర్మిస్తున్నారు. ఈ ఆలయంలో శివలింగ ప్రతిష్ఠాపన కార్యక్రమం ఈ ఫిబ్రవరి 10-19 మధ్య జరుగుతుందని సమాచారం. ఈ శివాలయంలో 1008 వేర్వేరు విగ్రహాలు ప్రతిష్టించబడ్డాయి. ఓం ఆకారంలో ఉన్న ఈ ఆలయ ప్రాంగణంలో మొత్తం 108 గదులు ఉన్నాయి. దీని గోపురం 135 అడుగుల ఎత్తు, ఆలయం మధ్యలో గురు మహారాజ్ స్వామి మాధవానంద సమాధి ఉంది. పైభాగంలో మహాదేవుని శివలింగాన్ని ప్రతిష్టించారు.
1995లో శంకుస్థాపన చేసిన ఈ ఆలయ నిర్మాణ పనులు గత 25 ఏళ్లుగా కొనసాగుతున్నాయి. ఓం ఆశ్రమం జదన్ పాలి నాగరా శైలి వాస్తుశిల్పం, ఉత్తర భారత వాస్తుశిల్పం ఆధారంగా నిర్మించబడుతోంది. ఓం ఆకారం దాదాపు అర కిలోమీటరు వ్యాసార్థంలో వ్యాపించి ఉంటుంది.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
