Viral Video: ఇది కదా ‘డిజిటల్‌ ఇండియా’ అంటే..! బ్యాండ్‌వాలా టెక్నాలజీ చూస్తే అవాక్కే!

Wedding Drummer

Viral Video: సాధారణంగా పెళ్లిళకు సంబంధించిన అనేక రకాల వీడియోలు సోషల్ మీడియాలో వైరల్ అవుతుంటాయి. అలాంటి వాటిల్లో వధూవరుల ఫన్నీ ఇన్సిడెంట్లు, బంధువర్గాల సరదా సన్నివేశాలు, సంతోషకర సందర్బాలు ఇలాంటి అనేకం నెటిజన్లను ఆకట్టుకుంటున్నాయి. అయితే, పెళ్లి వేడుకలో బరాత్ అనేది అతి ముఖ్యమైన సన్నివేశం. ఈ బరాత్ లో డోలు వాయించే వారికి పలువురు సంతోషంగా కట్నం ఇస్తుంటారు.. వధూవరుల మీద నుంచి డబ్బును తిప్పి బ్యాండ్ వాళ చేతికి గానీ, లేదంటే నోటికి గానీ అందిస్తారు..అలాంటి ఘటననే ఇక్కడ మరింత వెరైటీగా చేసి చూపించారు.. ఇదే సీన్ ఇప్పుడు నెట్టింట హల్ చల్ చేస్తోంది.

డిజిటల్ చెల్లింపు యాప్‌లను ఒక ఖాతా నుండి మరొక ఖాతాకు సులభంగా బదిలీ చేయడానికి ప్రపంచవ్యాప్తంగా మిలియన్ల మంది ఉపయోగిస్తున్నారు. COVID-19 తర్వాత, చెల్లింపులను ప్రాసెస్ చేయడానికి వ్యక్తులు QR కోడ్‌లను ఉపయోగించడం సర్వ సాధారణంగా మారిపోయింది. అయితే, ఇప్పుడు, ఒక వ్యక్తి Paytm ద్వారా డోల్‌ వాయించే వ్యక్తికి కానుకగా నగదు బదిలీ చేయటం నెక్ట్స్‌ లెవల్‌గా మారిపోయింది. ఇలాంటి సంతోషకరమైన సంఘటన వీడియోను సుమన్ రస్తోగి అనే వినియోగదారు ట్విట్టర్‌లో పంచుకున్నారు. చిన్న క్లిప్‌లో ఆ వ్యక్తి తన ఫోన్‌ను వరుడి తల చుట్టూ ఒక ఆచార పద్ధతిలో తిప్పుతూ, పేటీఎం ద్వారా డోల్‌ వాయించే వ్యక్తికి డబ్బు ఇవ్వడం అందరినీ అవాక్కయ్యేలా చేస్తోంది.

ట్విట్టర్‌లో షేర్‌ చేయబడిన ఈ వీడియోని ఇప్పటి వరకు 264,000 కంటే ఎక్కువ మంది చూశారు..6,000 కంటే ఎక్కువ మంది నెటిజన్లు లైక్‌ చేశారు. ఇంటర్నెట్ వినియోగదారులు స్మైలీ మోజీలతో కామెంట్ల వర్షం కురిపిస్తున్నారు. వీడియో చూసిన ఒక నెటిజన్‌…”UPI లైఫ్‌ని ఈజీగా మార్చేసింది.” అని వ్రాస్తే, మరొకరు “సంక్షిప్తంగా డిజిటల్ ఇండియా” అంటూ కామెంట్‌ చేశారు. “నేను ఇలాంటి డిజిటల్ సంస్కృతిని నిజంగా ప్రేమిస్తున్నాను.” అంటూ మరో నెటిజన్‌ రాసుకొచ్చారు. మరోకరు నా దేశం డిజిటల్‌ దిశగా మారిపోయిందంటూ వ్యాఖ్యనించారు.

ఒక వినియోగదారు ఇలా వ్రాశాడు, “పెరుగుతున్న డిజిటల్ సంస్కృతితో కలిపిన భారతీయ సంస్కృతి చాలా బాగుంది.”ఆధునిక సమస్యలకు ఆధునిక పరిష్కారాలను అన్వయిస్తున్న భారతీయులు! ఇక చీకు చింతలేదంటూ,” మరొకరు కామెంట్‌ చేశారు.

మరిన్ని ట్రెండింగ్ న్యూస్ కోసం ఇక్కడ క్లిక్ చేయండి