Vizag: బ్యాంకు రికార్డు రూమ్‌ నుంచి వింత శబ్దాలు.. ఏంటా అని వెతగ్గా…

ప్రజంట్ రెయినీ సీజన్ కావడంతో.. జనావాసాల్లోకి పాములు తెగ వస్తున్నాయి. అప్రమత్తత లేకపోతే.. ప్రమాదాలకు గురయ్యే అవకాశం ఉంటుంది. తాజాగా విశాఖపట్నంలో బ్యాంక్ ఆఫ్ బరోడా కార్యాలయంలోకి ఓ పాము ప్రవేశించడంతో కలకలం రేగింది. వడ్లపూడిలోని బ్యాంక్ ఆఫ్ బరోడా ఆఫీసు రికార్డు రూములోకి దూరి.. ఓ నాగ జెర్రి తిష్ట వేసింది. ఇక ఉదయమే బ్యాంకు తెరిచిన స్టాఫ్.. రికార్డు రూమ్‌లోకి వెళ్లిన వింత శబ్దాలు రావడంతో.. ఆందోళన చెందారు. ఆ రూమ్‌ అంతా వెతగ్గా.. పాము కనిపించడంతో పరుగులు తీశారు. అలాగే బ్యాంకుకు వచ్చిన కస్టమర్లు కూడా పామును చూసి పరుగు లఖించుకున్నారు.

బ్యాంకు సిబ్బంది వెంటనే  పట్టే స్నేక్ క్యాచర్‌ కిరణ్‌కు సమాచారం ఇచ్చారు. దీంతో అక్కడకు స్నేక్ క్యాచర్.. చాకచక్యంగా ఆ పామును బంధించాడు. అతను చేతులతో ఆ పామును పట్టుకుని.. కార్యాలయం అంతా తిరగడంతో బ్యాంకు సిబ్బంది ఆశ్చర్యపోయారు. కాగా ఆ పామును నాగజెర్రి లేదా జెర్రిగొడ్డు అంటారని.. పెద్దగా విషపూరితం కాదని స్నేక్ క్యాచర్ వెల్లడించాడు. అనంతరం సమీపంలోని ఫారెస్ట్ ఏరియాలో ఆ పామును వదిలి పెట్టాడు. దీంతో అందరూ ఊపిరి పీల్చుకున్నారు. ఫోన్ చేయగానే.. వెంటనే రెస్పాండ్ అయి స్పందించి… బ్యాంకుకు వచ్చిన స్నేక్ క్యాచర్ కిరణ్‌ను బ్యాంకు సిబ్బంది థ్యాంక్స్ చెప్పారు.

స్నేక్ క్యాచర్ అలవోకగా..  పామును పట్టిన ఈ వీడియో సోషల్ మీడియాలో వేగంగా వైరల్ అయ్యింది. అతను ఆ పామును చాలా ఈజీగా హ్యండిల్ చేశాడని పలువురు నెటిజన్స్ కామెంట్స్ పెడుతున్నారు. వీడియో దిగువన చూడండి…

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..