Viral News: అల్లాటప్పా బ్యాగు కాదు.. దీని ఖరీదు ఎంతో తెలిస్తే కళ్లు తేలేస్తారు..!

కొన్ని లగ్జరీ కంపెనీలకు చెందిన వస్తువుల ధరలు తెలిస్తే ఔరా అనేలా ఉంటాయి. అప్పుడప్పుడు సెలబ్రిటీలు ధరించే దుస్తువులు, ఉపయోగించే హ్యాండ్‌ బ్యాగ్ ధరలు భారీగా ఉంటాయి. నిజానికి ఆ వస్తువులను చూసినప్పుడు అంత ధర పలకడానికి అందులో ఏముందనే సందేహం రాకమానదు. తాజాగా అలాంటి ఓ వస్తువు సోషల్‌ మీడియాను షేక్‌ చేస్తోంది.

పైన ఫొటోలో కనిపిస్తున్న బ్యాగ్ చూస్తే ఎంత సాదాసీదాగా ఉంది కదూ. పేపర్‌తో తయారు చేసిన బ్యాగులా కనిపిస్తుంది. ఈ బ్యాగ్‌ ధర మహా అయితే ఓ వంద రూపాయాలు ఉంటుంది, మరీ ఎక్కువ అంటే వెయ్యి రూపాయాలు ఉంటుంది అనుకుంటాం కదూ. అయితే ఈ బ్యాగ్‌ ధర అక్షరాల రూ. 2,80,000 అవును ఈ బ్యాగ్‌ ధర దగ్గరగ్గర రూ. 3 లక్షలు. లగ్జరీ ఫ్యాషన్‌ కంపెనీ అయిన లూయిస్‌ విట్టన్‌ తయారు చేసిన ఈ బ్యాగ్‌కు సంబంధించిన ఈ బ్యాగ్ ఇప్పుడు టాక్‌ ఆఫ్‌ ది ఇండస్ట్రీగా మారింది.

ఈ బ్యాగుపై లూయిస్ విట్టన్, మైసన్ ఫాండీ ఎన్ 1854 అని రాసి ఉంటుంది. లోపల జిప్డ్‌ పాకెట్‌, డబుల్‌ ఫ్లాట్‌ పాకెట్‌ను అందించారు. మెన్స్‌ క్రియేటివ్‌ డైరెక్టర్‌ ఫారెల్‌ విలియమ్స్‌ దీన్ని రూపొందించారు. ఈ బ్యాగ్ అమ్మకాలు జనవరి 4వ తేదీ నుంచి ప్రారంభమైంది. ఇక ఈ బ్యాగ్‌ పొడవు కేవలం 30 సెంటీమీటర్లు, ఎత్తు 27 సెంటీమీటర్లు, వెడల్పు 17 సెంటీమీటర్లుగా ఉంది.

ఈ బ్యాగ్‌కు సంబంధించిన ఫొటోలు ప్రస్తుతం నెట్టింగ తెగ వైరల్ అవుతున్నాయి. ఈ బ్యాగ్‌పై నెటిజన్లు పలురకాలుగా స్పందిస్తున్నారు. మెక్‌డొనాల్డ్స్‌లో అచ్చంగా ఇలాంటి బ్యాగ్‌లే ఇస్తారు అని ఓ యూజర్‌ కామెంట్ చేయగా, మరో యూజర్‌ స్పందిస్తూ ఈ బ్యాగ్‌లో ఏదో అధునాతన టెక్నాలజీ ఉన్నట్లుంది అందుకే ఇంత ధర కాబోలు అంటూ ఫన్నీగా కామెంట్స్‌ చేస్తున్నారు.

మరిన్ని ట్రెండింగ్ వార్తల కోసం క్లిక్ చేయండి..