Viral Video: బాబోయ్.. ఎక్కడా చోటు లేనట్టు అమ్మాయి జుట్టులో చిక్కుకున్న పాము.. ఒళ్లుగగుర్బొడిచే వీడియో…

పాము కనిపిస్తే వెంటనే కాళ్లకు పని చెప్పేస్తాం.. ఇక అదే పాము మన పక్కన ఉంటే అరకిలోమీటరు వరకు వెనక్కు చూడకుండా పారిపోతాం కదూ..

Viral

Rajitha Chanti |
Updated on: Apr 25, 2022 | 8:01 AM

పాము కనిపిస్తే వెంటనే కాళ్లకు పని చెప్పేస్తాం.. ఇక అదే పాము మన పక్కన ఉంటే అరకిలోమీటరు వరకు వెనక్కు చూడకుండా పారిపోతాం కదూ.. ఈ భూమ్మీద అనేక రకాల సరిసృపాలున్నాయి. అందులో ప్రాణాలను హరించే విష సర్పాలు, విషం లేనివి కూడా ఉన్నాయి. పాములకు దగ్గరగా వెళితే ప్రాణాల మీద ఆశ వదిలిపెట్టాల్సిందే. మన భారతదేశంలో పాములను దైవంగా భావిస్తారు. కానీ అదేపాము కంటపడితే చంపేయ్యాడానికి ప్రయత్నిస్తారు. కానీ కొన్ని దేశాల్లో మాత్రం పాములను ఇంట్లోనే పెంచుకుంటారు. వాటితో చిన్న పిల్లలు కూడా ఆడుకుంటుంటారు. ఇటీవల పాములకు సంబంధించిన వీడియోలు నెట్టింట్లో తెగ వైరల్ అవుతున్నాయి. అందులో కొన్ని ఆశ్చర్యం కలిగిస్తే.. మరికొన్ని మాత్రం భయాందోళనకు కలిగిస్తాయి. తాజాగా ఓ మహిళ జుట్టులో పాము చిక్కుకున్న వీడియో సోషల్ మీడియాలో చక్కర్లు కొడుతుంది.

ఆ వీడియోలో ఓ అమ్మాయి రింగు రింగుల జుట్టులో ఓ చిన్నపాము చిక్కుకుంది. అయితే ఆ పామును చూసి ఆ అమ్మాయి అస్సలు భయపడట్లేదు.. అంతేకాకుండా.. ఆ పామును చేతితో పట్టుకుని తీసేందుకు ప్రయత్నిస్తుంది. రింగు రింగుల జుట్టుల పాము అటు ఇటు తిరిగేస్తుంది. అమ్మాయి జుట్టులో తెల్లటి పాము ఎలా తిరుగుతుందో వీడియోలో కనిపిస్తుంది. ఆ పామును బయటకు తీయడానికి ప్రయత్నించినా.. ఆ పాము మాత్రం అస్సలు జుట్టులో నుంచి బయటకు రాలేదు. ఈ వీడియో ఇప్పుడు సోషల్ మీడియాలో తెగ వైరల్ అవుతుంది. కేవలం 15 సెకన్ల ఈ వీడియోను ఇప్పటివరకు 17 వేలకు పైగా వీక్షించగా, వందలాది మంది వీడియోను కూడా లైక్ చేశారు. ఈ వీడియో చూసిన నెటిజన్స్ పలు రకాలుగా స్పందిస్తున్నారు.