Viral Pics: నది ఒడ్డున సేద తీరుతున్న మొసలి.. చిరుత మెరుపు దాడి.. చూస్తే షాక్ అవ్వాల్సిందే!

Leopard Attack Crocodile: అడవి ప్రపంచం నిత్యం ప్రమాదాలతో నిండి ఉంటుంది. ప్రతీ జంతువు తమను తాము రక్షించుకునేందుకు ఎప్పటికప్పుడు తెలివిని, వ్యూహాన్ని...

Leopard 1

Ravi Kiran | Edited By: Anil kumar poka|
Updated on: Sep 23, 2021 | 5:11 PM

అడవి ప్రపంచం నిత్యం ప్రమాదాలతో నిండి ఉంటుంది. ప్రతీ జంతువు తమను తాము రక్షించుకునేందుకు ఎప్పటికప్పుడు తెలివిని, వ్యూహాన్ని ప్రదర్శిస్తుండాలి. భీకరంగా పోరాడే క్రూర జంతువు కూడా ఏదొక సందర్భంలో ఓటమిని ఎదుర్కోవాల్సి వస్తుంది. ఆ కోవకు చెందిన కొన్ని దృశ్యాలు ప్రస్తుతం సోషల్ మీడియాలో వైరల్ అవుతోంది. మొసలి, చిరుత రెండూ క్రూరమైన జంతువులే. ఈ విషయం మనందరికీ తెలిసిందే. వేటాడటంతో చిరుతకు ఉన్న తెలివి, సామర్ధ్యం అమోఘమని అంటుంటారు. అలాగే మొసలిని ‘సముద్రపు అలెగ్జాండర్’ అని పిలుస్తారు. మరి బాహుబలి, భల్లాలదేవా లాంటి బలశాలులైన ఈ జంతువులు ఢీ కొంటే ఎలా ఉంటుందో నిదర్శనంగా ఉండే కొన్ని ఫోటోలు ప్రస్తుతం నెట్టింట తెగ హల్చల్ చేస్తోంది.

Leopar 2

వైరల్ అవుతున్న ఫోటోలను చూస్తే.. ఓ నది ఒడ్డున మొసలి సేద తీరుతోన్న మీరు చూడవచ్చు. అయితే ఆ నిర్లక్ష్యమే దానికి ముప్పు తెచ్చిపెట్టింది. అకస్మాత్తుగా ఓ చిరుత దానిపై మెరుపు దాడికి దిగుతుంది. అవకాశాన్ని అందిపుచ్చుకుని మొసలిని తన పదునైన దవడలతో పట్టుకుంటుంది. చిరుత నుంచి తప్పించుకునేందుకు మొసలి తీవ్రంగా ప్రయత్నిస్తుంది. అయినా ఎలాంటి ప్రయోజనం ఉండదు. ఈ పోరాటంలో చివరికి చిరుత పైచేయి సాధిస్తుంది. మొసలిని పక్కనే ఉన్న పొదల్లోకి తీసుకెళ్లిపోతుంది. ఇందుకు సంబంధించిన దృశ్యాలు ప్రస్తుతం సోషల్ మీడియాలో వైరల్ అవుతున్నాయి. లేట్ ఎందుకు మీరు కూడా దానిపై ఓ లుక్కేయండి.!

Leopard