Viral News: నకిలీ చేతులతో ప్రిన్స్‌ చార్లెస్‌ బాడీ గార్డ్స్‌.. వైరల్‌ అవుతోన్న ఫొటోలు.. ఇంతకీ ఎందుకీ నకిలీ చేతులు..?

Viral News: ప్రముఖులకు రక్షణ కల్పించడం బాడీగార్డుల విధి. అందుకోసం ఎంత రిస్క్‌ అయినా చేస్తుంటారు. చివరికి తమ ప్రాణాలను సైతం లెక్కచేయకుండా ధైర్య సాహసాలను ప్రదర్శిస్తుంటారు. ఇక శత్రువు ఎప్పుడు, ఎక్కడ నుంచి వస్తాడో తెలియని..

Bodyguards Fake News

Narender Vaitla |
Updated on: Sep 20, 2022 | 7:58 AM

Viral News: ప్రముఖులకు రక్షణ కల్పించడం బాడీగార్డుల విధి. అందుకోసం ఎంత రిస్క్‌ అయినా చేస్తుంటారు. చివరికి తమ ప్రాణాలను సైతం లెక్కచేయకుండా ధైర్య సాహసాలను ప్రదర్శిస్తుంటారు. ఇక శత్రువు ఎప్పుడు, ఎక్కడ నుంచి వస్తాడో తెలియని పరిస్థితుల్లో ఏమాత్రం ఏమరపాటుతో ఉన్నా భారీ నష్టం తప్పదు. అందుకే తమ యజమానిని రక్షించేందుకు రకరకాల ట్రిక్స్‌ని ఉపయోగిస్తుంటారు.

మరీ ముఖ్యంగా దేశాధిపతుల విషయంలో బాడీగార్డ్స్‌ చాలా చాకచక్యంగా వ్యవహరిస్తుంటారు. కళ్లకు బ్లాక్‌ గ్లాసెస్‌లో పెట్టుకోవడం కూడా ఇందులో ఒకటి. దీనివల్ల సదరు బాడీగార్డ్‌ ఎటువైపు చూస్తున్నాడన్న విషయం అర్థమవదు. అలాగే బుల్లెట్‌ ప్రూఫ్‌ షీట్స్‌తో యజమానిని రక్షిస్తుంటారు. ఈ క్రమంలోనే తాజాగా బ్రిటన్‌ రాజుగా బాధ్యతలు తీసుకున్న చార్లెస్‌ బాడీగార్డ్స్‌కు సంబంధించిన ఫొటోలు, వీడియోలు నెట్టింట వైరల్‌ అవుతున్నాయి. సోమవారం ఎలిజబెత్‌-2 అంత్యక్రియలు పూర్తయిన విషయం తెలిసిందే.

ఈ సందర్భంగా చార్లెస్‌-3 చుట్టూ ఉన్న బాడీ గార్డ్స్‌ ఫేక్‌ చేతులు ధరించడం వైరల్‌ అవుతున్నాయి. బయటకు ఫేక్‌ చేతులతో కనిపించే బాడీగార్డ్స్‌ కోట్‌ లోపల అసలు చేతుల్లో గన్స్‌ పట్టుకొని సిద్ధంగా ఉంటారు. రాజుపై ఎవరైనా దాడి చేయడానికి ప్రయత్నించిన వెంటనే గన్‌తో అటాక్‌ చేసేందుకు సిద్ధంగా ఉంటారంటా. ఇందులో భాగంగానే ఎవరికీ అనుమానం రాకుండా ఫేక్‌ చేతులతో ఏమారుస్తారు. దీంతో ప్రస్తుతం ఈ ఫేక్‌ చేతుల విషయం చర్చనీయాంశంగా మారింది. బ్రిటన్‌ రాజవంశస్థుల భద్రత విషయంలో ఎంత కఠినంగా ఉంటారో ఈ సంఘటన చెప్పకనే చెబుతోంది.

ఇవి కూడా చదవండి