‘దృశ్యం’ సినిమా తరహాలో శవాన్ని పూడ్చి పెట్టిన జిమ్ ట్రైనర్..! కూపీ లాగితే తేలింది..?
ఇద్దరి మధ్య జరిగిన గొడవ ఏక్తాగుప్తా చనిపోవటంతో విమల్కు ఏం చేయాలో అర్థం కాలేదు. మూడో కంటపడకుండా శవాన్ని మాయం చేయాలి అనుకున్నాడు. జిమ్ ట్రైనర్ విమల్ సోనీ చేసిన ఈ దారుణం గత నాలుగు నెలలపాటు ఎవరికీ తెలియకుండా రహస్యంగానే ఉండిపోయింది. ఎట్టకేలకు పోలీసులు అతన్ని అరెస్ట్ చేసి జైలుకు పంపించారు.
Updated on: Oct 28, 2024 | 4:07 PM
ఉత్తరప్రదేశ్లో దారుణ ఘటన వెలుగు చూసింది. కాన్పూర్కు చెందిన ఓ మహిళ కనిపించటం లేదని ఆమె భర్త పోలీసులకు ఫిర్యాదు చేశాడు.. అతని ఫిర్యాదు మేరకు పోలీసులు కేసు నమోదు చేసుకుని బాధిత మహిళ ఆచూకీ కోసం ముమ్మర గాలింపు మొదలుపెట్టారు. మహిళ కోసం ఆరా తీసిన పోలీసులకు షాకింగ్ విషయం తెలిసింది. ఆమె తరచూవెళ్లే జిమ్ ట్రైనర్ మహిళను చంపి, మృతదేహాన్ని జిల్లా మేజిస్ట్రేట్ కార్యాలయం సమీపంలో పూడ్చిపెట్టినట్టుగా గుర్తించారు. జిమ్ ట్రైనర్ విమల్ సోనీని పోలీసులు శనివారం రాత్రి అరెస్టు చేశారు. తమదైన స్టైల్లో అతన్ని విచారించగా అసలు విషయం వెలుగులోకి వచ్చింది. పూర్తి వివరాల్లోకి వెళితే..
కాన్పూర్కు చెందిన ఏక్తా గుప్తా అనే మహిళ కనిపించడం లేదని భర్త రాహుల్ ఫోలీస్ స్టేషన్లో కంప్లైట్ ఇచ్చాడు. దర్యాప్తు చేపట్టిన పోలీసులు కేసును ఛేదించారు. ఏక్తా గుప్తాకు విమల్ అనే జిమ్ ట్రైనర్తో వివాహేతర సంబంధం ఉన్నట్టుగా విచారణలో తేలినట్టుగా పోలీసులు వివరించారు. ఈ క్రమంలోనే జిమ్ ట్రైన్ విమల్ మరో మహిళతో పెళ్లి చేసుకోబోతున్నాడని తెలిసి ఏక్తా గుప్తా అతన్ని నిలదీసింది. దీంతో ఇద్దరి మధ్య వాగ్వాదం జరిగిందని, ఈ క్రమంలో విమల్ ఏక్తా మెడపై బలంగా కొట్టాడంతో ఆమె మరణించినట్టుగా పోలీసుల విచారణలో తేలిందని చెప్పారు. ఇక చనిపోయిన ఏక్తాగుప్తా మృతదేహాన్ని దృశ్యం సినిమా తరహాలో ఖననం చేశాడు.
CCTV Footage Of Kanpur Woman At Gym On Day Trainer Murdered Her pic.twitter.com/Iod557Bz0E
— NDTV (@ndtv) October 27, 2024
ఇద్దరి మధ్య జరిగిన గొడవ ఏక్తాగుప్తా చనిపోవటంతో విమల్కు ఏం చేయాలో అర్థం కాలేదు. మూడో కంటపడకుండా శవాన్ని మాయం చేయాలి అనుకున్నాడు. పథకం ప్రకారం..శవాన్ని కలెక్టర్ ఆఫీస్ పక్కనే ఉన్న ఖాళీ స్థలంలో పెద్ద గొయ్యి తీసి పూడ్చి పెట్టినట్టుగా పోలీసులు గుర్తించారు. విమల్ను అదుపులోకి తీసుకుని విచారించిన పోలీసులు మొత్తం విషయాన్ని బయటపెట్టారు. ఏక్తా గుప్తా శవాన్ని గుర్తించారు. జిమ్ ట్రైనర్ విమల్ సోనీ చేసిన ఈ దారుణం గత నాలుగు నెలలపాటు ఎవరికీ తెలియకుండా రహస్యంగానే ఉండిపోయింది. ఎట్టకేలకు పోలీసులు అతన్ని అరెస్ట్ చేసి జైలుకు పంపించారు.
మరిన్ని ట్రెండింగ్ వీడియో వార్తల కోసం ఇక్కడ క్లిక్ చేయండి..
