Viral Video: సింహాన్ని గాల్లో గింగిరాలు కొట్టించిన గేదె.. కొమ్ములతో పొడుస్తూ బీభత్సం.. వైరల్ వీడియో!

అడవిలో మనుగడ సాగించడానికి జంతువులు నిరంతరం కష్టపడాల్సి వస్తుంది. సరైన వ్యూహం, తెలివి లేకపోతే క్రూర జంతువులకు...

Viral

Ravi Kiran | Edited By: Anil kumar poka

Updated on: Aug 09, 2021 | 6:32 PM

అడవిలో మనుగడ సాగించడానికి జంతువులు నిరంతరం కష్టపడాల్సి వస్తుంది. సరైన వ్యూహం, తెలివి లేకపోతే క్రూర జంతువులకు ఆహారం అయిపోవాల్సిందే. చిన్న జంతువుల జీవితం ఎప్పుడూ కూడా వాటి బలంపై ఆధారపడి ఉంటుంది. ఇక నిత్యం సోషల్ మీడియాలో అడవి జంతువులు చేసే వేటకు సంబంధించిన వీడియోలు తరచూ వైరల్ అవుతుంటాయి. వీటిని నెటిజన్లు కూడా తెగ ఇష్టపడుతుంటారు. తాజాగా ఆ కోవకు చెందిన ఓ వీడియో నెట్టింట హల్చల్ చేస్తోంది. సింహాల గుంపుకు చిక్కిన ఓ మానిటర్ బల్లిని అనూహ్యంగా గేదె వచ్చి కాపాడుతుంది.

భయం ఎప్పుడూ కూడా మనల్ని ఓడిస్తుందని చెబుతారు. అందుకే ఎలాంటి పరిస్థితుల్లోనూ భయపడకుండా ముందడుగు వేయాలని అంటారు. సరిగ్గా ఇదే రీతిలో ఓ గేదె సింహాలకు ఎదురెళ్లింది. ”నువ్వు అడవికి రాజైతే నాకేంటి’ అంటూ దాన్ని కొమ్ములతో బొంగరాలు తిప్పింది. దానికి సంబంధించిన వీడియో ప్రస్తుతం వైరల్‌గా మారింది.

ఓ సింహాల గుంపు మానిటర్ బల్లిని తమ ఆహారంగా చేసుకుంటున్నట్లు మీరు వీడియోలో చూడవచ్చు. ఆ గుంపులో సింహం పిల్లలు కూడా ఉన్నాయి. వాటిల్లో ఒకటి బల్లిని నోట కరుచుకుని పరిగెత్తుతుండగా.. ఎక్కడ నుంచో అనూహ్యంగా ఓ గేదె వచ్చి దానిపై మెరుపు దాడి చేస్తుంది. తన కొమ్ములతో పొడుస్తూ సింహాన్ని గాల్లో గింగిరాలు తిప్పిస్తుంది. దీనితో దెబ్బకు మిగిలిన సింహాలు పారిపోతాయి. ఈ వీడియో నెటిజన్లను విపరీతంగా ఆకట్టుకుంది. ‘@5_Adel_5’ అనే నెటిజన్లు దీన్ని ట్విట్టర్‌లో షేర్ చేయగా.. కొద్ది క్షణాల్లోనే వైరల్‌గా మారింది. వేలల్లో వ్యూస్ వచ్చి పడుతున్నారు. నెటిజన్లు లైకులు, కామెంట్స్ వర్షం కురిపిస్తున్నారు.