కుక్కతో సెల్ఫీ ట్రై చేస్తున్నారా..! రంగు పడుద్ది జాగ్రత్త.. ఈ విషయం తెలిస్తే షాక్..

Selfie With Dog: ప్రతిరోజు సోషల్ మీడియాలో ఎన్నో వింత కథనాలు కనిపిస్తాయి. ఒక్కోసారి ఇవి చాలా విచిత్రంగా ఉంటాయి. తాజాగా ఓ పెంపుడు

Selfie With Dog

uppula Raju |

Updated on: Dec 17, 2021 | 11:42 AM

Selfie With Dog: ప్రతిరోజు సోషల్ మీడియాలో ఎన్నో వింత కథనాలు కనిపిస్తాయి. ఒక్కోసారి ఇవి చాలా విచిత్రంగా ఉంటాయి. తాజాగా ఓ పెంపుడు కుక్కకు సంబంధించిన వార్త నెట్టింట్లో వైరల్‌గా మారింది. ఈ సంఘటన ద్వారా పెంపుడు కుక్కలతో ఎలా ఉండాలో చాలామందికి తెలిసివచ్చింది. కొంతమందికి కుక్కలంటే విపరీతమైన ప్రేమ. వాటికి చాలా శిక్షణ ఇస్తారు. తద్వారా యజమాని చెప్పిన విధంగా కుక్క చేస్తుంది. అయితే కొన్నిసార్లు మితిమీరిన ప్రేమ వల్ల ప్రమాదాలకు గురికావల్సి వస్తుంది. ఓ అమ్మాయికి సంబంధించిన కొన్ని ఫోటోలు సోషల్ మీడియాలో వైరల్ అవుతున్నాయి.

అందులో మొదట ఆమె తన పెంపుడు కుక్కతో హాయిగా ఫోటో దిగుతూ కనిపిస్తుంది. తర్వాత వెంటనే ఆ కుక్క అమ్మాయిపై దాడి చేస్తుంది. ఆ తర్వాత బాలిక ముఖం మొత్తం కుట్లతో కనిపిస్తుంది. ఇప్పుడు ఈ బాలిక చిత్రాలు సోషల్ మీడియాలో వైరల్ అవుతున్నాయి. ప్రజలు పెంపుడు జంతువుల నుంచి సరైన దూరం పాటించాలని సూచిస్తున్నారు. మొదటి చిత్రంలో 17 ఏళ్ల లారా సన్స్ నవ్వుతున్న జర్మన్ షెపర్డ్‌తో ఫొటో దిగుతుంది. అప్పుడు కుక్క చాలా ప్రశాంతంగా కనిపించింది. కానీ కొన్ని సెకన్లలో కుక్క తన యజమానురాలిపై దాడి చేస్తుంది. ఇది ఎవ్వరూ ఊహించని పరిణామం.

చాలా ఫొటోలు తీస్తుండగా ఒక్కసారి కుక్కకు ఓపిక నశించి చిర్రెత్తుకొచ్చింది. కోపంతో లారా సన్స్ పై దాడి చేసింది. ఈ జర్మన్ షెపర్డ్ లారా ముఖాన్ని కరిచేసింది. ఎంతలా అంటే పళ్లు మొత్తం ఆమె ముఖంలో దించేసింది. తన ప్రియమైన కుక్క తనపై అలా దాడి చేస్తుందని ఆ అమ్మాయికి ఊహించలేదు. వెంటనే ఆమె నొప్పితో అరవడం ప్రారంభించింది. దగ్గరలో ఉన్న ఆమె స్నేహితుడు వచ్చి కుక్కను తరిమికొట్టాడు.

జర్మన్ షెపర్డ్ చేసిన ఈ దాడిలో లారా తీవ్రంగా గాయపడింది. ఆమె నుదిటి పైన, ఆమె పెదవి దగ్గర లోతైన గాయాలను చేసింది. తీవ్రంగా గాయపడిన బాలికను ఆసుపత్రికి తరలించారు. అక్కడ ఆమె ముఖానికి చాలా కుట్లు వేశారు. దీంతో లారా ముఖం అంద విహీనంగా తయారైంది. ప్రజలు ఇప్పుడు ఈ పోస్ట్‌ను హెచ్చరికగా షేర్ చేస్తున్నారు. ఎంత సాన్నిహిత్యంగా ఉన్నా జంతువులకు మాత్రం దూరంగా ఉండాలని అవగాహన కల్పించే ప్రయత్నం చేస్తున్నారు.