Viral Video: సైలెంట్గా పక్షిని వేటాడి మింగేసిన తాబేలు.. వీడియో చూస్తే షాక్ అవ్వాల్సిందే.!
సాధారణంగా తాబేళ్లు సాధు జీవులు. మీరు చిన్నప్పటి నుంచి తాబేళ్ల గురించి ఎన్నో కథలు విని ఉంటారు. అవి శాఖాహారులుగా...
Updated on: Aug 25, 2021 | 10:19 AM
సాధారణంగా తాబేళ్లు సాధు జీవులు. మీరు చిన్నప్పటి నుంచి తాబేళ్ల గురించి ఎన్నో కథలు విని ఉంటారు. అవి శాఖాహారులుగా ఓ మార్క్ పడి ఉంటుంది. అయితే మీరు అలా అనుకుంటే పొరపాటే.! ఇప్పుడు చూపించబోయే వీడియో.. మిమ్మల్ని ఓ షాక్కు గురి చేస్తుంది. తాబేళ్లు ఇలా కూడా వేటాడటాయా.? అని అనిపిస్తుంది. ఈ వీడియోను ఫ్రెగేట్ ఐలాండ్లో గత నెలలో రికార్డు చేశారు. ఇందులో ఓ భారీ ఆడ తాబేలు పిల్ల పక్షిని ఎలా పాక్కుంటూ వేటాడుతోంది మీరు చూడవచ్చు. ఈ ఐలాండ్లో మొత్తం 3 వేలకు పైగా తాబేళ్లు ఉన్నాయి.
తాబేలు ఇలాంటి దాడి చేస్తుందని పరిశోధకులు అస్సలు ఊహించలేదు. కేంబ్రిడ్జ్ యూనివర్సిటీ మ్యూజియం ఆఫ్ జువాలజీ ప్రొఫెసర్ డాక్టర్ జస్టిన్ గెర్లాచ్ కూడా తాబేలు నుంచి ఇదొక ఊహించని పరిణామం అని అన్నారు. ఆ ఐలాండ్లోని తాబేళ్లలో ఈ మధ్యకాలంలో ఇలాంటి ప్రవర్తన పెరిగి ఉండొచ్చని అంచనా వేస్తున్నారు.
కాగా, తాబేళ్ళకు కోపం, చికాకు వచ్చినప్పుడు దాడులు చేస్తుంటాయి. అయితే ఇలాంటి దాడిని ఎవరూ ఊహించలేరు. ఇక ఇటీవల కాలంలో పక్షి పిల్లలను, గుడ్లను తాబేళ్లు తిన్తున్నాయని ప్రచారం జరిగింది. అయితే వాటిని పరిశోధకులు కొట్టిపారేశారు. కానీ ఇప్పుడు ఈ వీడియోను చూసిన తర్వాత వారి అంచనాలన్నీ తారుమారు అయ్యాయి. వాటి జీవన విధానానికి మార్పుకు ఎన్నో కారణాలు ఉన్నాయని పరిశోధకులు అంటున్నారు. అయితే వారి జీవనశైలికి విరుద్దంగా ఇలా ప్రవర్తిస్తే..? అవి ఎంతకాలం మనుగడను సాగించగలవో? తెలియాలంటే కొంతకాలం పరిశోధనలు జరపాలని ప్రముఖ హెర్పటాలజిస్ట్ జేమ్స్ గిబ్స్ స్పష్టం చేశారు.
