కాళ్లు పైకి, మొండెం కిందికి కుర్చీపై తలకిందులుగా పోలీస్ అధికారి.. అసలు కారణం తెలిస్తే షాకవుతారు!
సమాజంలో శాంతిభద్రతలను కాపాడాల్సిన రక్షకభటులే భక్షకులుగా మారితే పరిస్థితి ఎలా ఉంటుందో చెప్పడానికి తాజాగా ఉత్తరప్రదేశ్‌లో వెలుగుచూసిన ఈ ఘటనే నిదర్శనం. ఖాకీ యూనిఫాం గౌరవాన్ని మంటగలుపుతూ, ఒక పోలీసు అధికారి మద్యం దుకాణంలో పూర్తిగా తూగిపోయిన వైనం ప్రస్తుతం సోషల్ మీడియాలో తీవ్ర విమర్శలకు దారితీసింది. బాధ్యతాయుతమైన పదవిలో ఉండి ఇలా ప్రవర్తించిన ఆ పోలీస్ నిర్వాకం నెటిజన్లను విస్మయానికి గురిచేస్తోంది.
Updated on: Oct 25, 2026 | 12:20 PM
వైరల్ వీడియోలో ఖాకీ డ్రెస్‌ ధరించిన ఒక పోలీసు అధికారి చేసిన నిర్వాకం సోషల్ మీడియాలో తీవ్ర దుమారం రేపుతోంది. వైన్ షాప్ లో కూర్చుని అమితంగా మద్యం సేవించిన ఆ వ్యక్తి, మత్తులో పూర్తిగా స్పృహ కోల్పోయాడు. కుర్చీపై కాళ్లు పైకి, శరీరం కిందకి ఉండేలా తలకిందులుగా పడిపోయిన అతని వీడియో ప్రస్తుతం నెట్టింట విపరీతంగా వైరల్ అవుతోంది. ప్రజలకు రక్షణ కల్పించాల్సిన పోలీసులే ఇలా బహిరంగంగా మందు తాగి పడిపోవడం పట్ల నెటిజన్లు తీవ్ర ఆగ్రహం వ్యక్తం చేస్తున్నారు. పోలీసు శాఖలో క్రమశిక్షణ లోపించిందని, ఇలాంటి వారిపై కఠిన చర్యలు తీసుకోవాలని నెటిజన్లు డిమాండ్ చేస్తున్నారు.
ఉత్తరప్రదేశ్‌లోని చిత్రకూట్ జిల్లాలో ఈ ఘటన జరిగినట్లు తెలుస్తోంది. సోషల్ మీడియాలో వైరల్ అవుతున్న వీడియో ప్రకారం, ఖాకీ యూనిఫాం ధరించిన ఒక వ్యక్తి స్థానిక మద్యం దుకాణం లోపల ఉన్న ఒక కుర్చీపై విచిత్రమైన భంగిమలో పడిపోయి ఉన్నాడు. అధిక మోతాదులో మద్యం సేవించడం వల్ల అతను తన స్పృహను కోల్పోయాడు. ఫలితంగా కుర్చీపై సరిగ్గా కూర్చోలేక, కాళ్లు పైకి, తల కిందకి ఉండేలా తలకిందులుగా పడిపోయాడు. అతని చేతులు చాపుకుని అపస్మారక స్థితిలో ఉన్న తీరు వీడియోలో స్పష్టంగా కనిపిస్తోంది.
ఈ వీడియో ఇంటర్నెట్‌లో షేర్ చేయబడిన క్షణాల వ్యవధిలోనే వైరల్ అయింది. దీనిని చూసిన నెటిజన్లు పోలీసు శాఖపై తీవ్ర స్థాయిలో మండిపడుతున్నారు. చట్టాన్ని, నిబంధనలను కాపాడాల్సిన పోలీసులే ఇలా నడిరోడ్డుపై లేదా దుకాణాల్లో మత్తులో తూలిపోతే సామాన్య ప్రజల భద్రత మాటేమిటి? అంటూ పలువురు ప్రశ్నిస్తున్నారు. పోలీస్ శాఖలో క్రమశిక్షణ ఎంతగా దిగజారిపోయిందో చెప్పడానికి ఈ ఘటనే ప్రత్యక్ష ఉదాహరణ అని విమర్శకులు అభిప్రాయపడుతున్నారు.
सिपाही जी ठेके के अंदर शराब पीते पीते उल्टा होकर लुढ़क गए
चित्रकूट में खाकी वर्दी पहनकर ठेके पर शराब पीने पहुंचे पुलिसकर्मी जी शराब पीते पीते हो गए नशे में वहीं बैठे स्टूल पर लुढ़क गए पैर ऊपर सर नीचे हो गया
शराब की दुकान में टल्ली पड़े पुलिसकर्मी का वीडियो वायरल https://t.co/CV6VUtdlfP
— दिनेश राजपूत पत्रकार लखनऊ (@R14560700Dinesh) October 22, 2026
మద్యం మత్తులో ఉన్న ఆ వ్యక్తి నిజంగానే పోలీసు సిబ్బందా లేక నకిలీ యూనిఫామ్ ధరించినవాడా అనే కోణంలోనూ చర్చ జరుగుతోంది. అయితే, సోషల్ మీడియాలో ఈ వీడియో హల్‌చల్ చేస్తున్న తరుణంలో ఉన్నతాధికారులు ఈ ఘటనపై స్పందించి, విచారణ జరిపి తగిన చర్యలు తీసుకోవాలని స్థానికులు, నెటిజన్లు డిమాండ్ చేస్తున్నారు. పోలీసు వ్యవస్థకు మచ్చతెచ్చే ఇలాంటి ఘటనలు పునరావృతం కాకుండా కఠిన చర్యలు తీసుకోవాల్సిన అవసరం ఎంతైనా ఉంది.
