Cloudburst: క్లౌడ్‌ బరెస్ట్‌తో భారీ విధ్వంసం.. క్షణాల్లో మాయమైన ఇళ్లు, దుకాణాలు.. షాకింగ్ వీడియో వైరల్
ANI షేర్‌ చేసిన ఈ వీడియోపై సమాచారం కూడా ట్విట్‌ చేసింది. భారీ వర్షం కారణంగా అక్కడ అకస్మాత్తుగా వరదలు వచ్చాయి. కళ్లముందే దుకాణాలు కొట్టుకుపోయాయి. ఈ వీడియో చూసిన జనాలు షాక్ అవుతున్నారు.
Updated on: Aug 14, 2022 | 9:26 PM
Cloudburst: హిమాచల్ ప్రదేశ్‌లో వర్షం బీభత్సం సృష్టించింది. క్లౌడ్‌బర్స్ట్ లాంటి పరిస్థితి ఏర్పడింది. క్లౌడ్‌ బర్ట్స్‌తో హిమాచల్ ప్రదేశ్‌లోని కులు భారీ నష్టాన్ని చవిచూడాల్సి వచ్చింది. ప్రస్తుతం,కులు నుండి ఒక వీడియో సోషల్ మీడియాలో వైరల్ అవుతోంది. ఈ మేఘ విస్ఫోటనం కారణంగా క్షణాల్లో పెను విపత్తు సంభవించింది. కరెంట్‌ స్తంభాలు నేలకూలాయి. వరదల ధాటికి దుకాణాలు వరుసగా కొట్టుకుపోయాయి. ప్రస్తుతం ఈ షాకింగ్ వీడియో సోషల్ మీడియాలో చ‌ర్చ‌నీయాంశంగా మార‌డంతో పాటు భారీ వ్యూస్‌ని సాధించింది.
ఈ ఘటన హిమాచల్ ప్రదేశ్‌లోని కులులోని జరిగినట్టుగా తెలిసింది. ANI షేర్‌ చేసిన ఈ వీడియోపై సమాచారం కూడా ట్విట్‌ చేసింది. భారీ వర్షం కారణంగా కులులోని అని బ్లాక్‌లలో అకస్మాత్తుగా వరదలు వచ్చాయి. దుకాణాలు కొట్టుకుపోయాయి. ఈ వీడియో చూసిన తర్వాత మీరు కూడా షాక్ అవుతారు. దుకాణాల వరుసలు వరదలో కొట్టుకుపోతున్న దృశ్యాలు భయానకంగా కనిపించాయి. క్షణాల్లో అక్కడ ఉన్న దుకాణాలన్నీ మాయమయ్యాయి. ప్రస్తుతం ఈ వీడియో సోషల్ మీడియాలో వైరల్ అవుతోంది.
#WATCH | Himachal Pradesh: A structure washed away in the flash flood caused due to heavy rain in the Anni block of Kullu. Visuals from Anni bus stand.
(Video Source: Disaster Management Authority) pic.twitter.com/pQcXJn55g6
— ANI (@ANI) August 11, 2022
మరోవైపు హిమాచల్ ప్రదేశ్‌లో ప్రస్తుతం భారీ వర్షాలు కురుస్తున్నాయి. హిమాచల్ ప్రదేశ్‌లోని కొన్ని ప్రాంతాల్లో వర్షాలు కురుస్తాయని వాతావరణ శాఖ ఎల్లో అలర్ట్ ప్రకటించింది. ఆగస్టు 16 వరకు ఈ వర్షం కొనసాగుతుందని వాతావరణ శాఖ తెలిపింది. వర్షాల కారణంగా హిమాచల్ ప్రదేశ్‌లో పలుచోట్ల కొండచరియలు విరిగిపడ్డాయి. 44 రోడ్లపై రాకపోకలు నిలిచిపోయాయి. కులు, చంబా జిల్లాల్లో జనజీవనం పూర్తిగా స్తంభించింది. ఈ వర్షం కారణంగా హిమాచల్ ప్రదేశ్‌లో ఇప్పటివరకు 67,198 లక్షల రూపాయల నష్టం వాటిల్లింది.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి
