Viral Video: తగ్గేదెలే.. పుష్ప సాంగ్‌కు స్టెప్పులేసిన చింపాంజీ.. నవ్వులు పూయిస్తున్న వీడియో..

ఐకాన్ స్టార్ అల్లు అర్జున్ నటించిన పుష్ప సినిమా క్రేజ్ గురించి ప్రత్యేకంగా చెప్పాల్సిన అవసరం లేదు. ఈ సినిమా సంచలన విజయం సాధించడమే కాకుండా ఈ సినిమాలోని పాటలు, హుక్ స్టెప్ ఇలా అన్ని ప్రేక్షకులను విపరీతంగా..

Chimpanzee

Rajeev Rayala | Edited By: Shaik Madar Saheb|
Updated on: Mar 31, 2022 | 10:58 PM

Viral Video : ఐకాన్ స్టార్ అల్లు అర్జున్ నటించిన పుష్ప సినిమా క్రేజ్ గురించి ప్రత్యేకంగా చెప్పాల్సిన అవసరం లేదు. ఈ సినిమా సంచలన విజయం సాధించడమే కాకుండా ఈ సినిమాలోని పాటలు, హుక్ స్టెప్ ఇలా అన్ని ప్రేక్షకులను విపరీతంగా ఆకట్టుకున్నాయి. ఇక ఈ సినిమాలోని శ్రీవల్లి పాట ఎంత పాపులర్ అయ్యిందో అందరికి తెలుసు. ఈ పాటలో అల్లు అర్జున్ వేసిన హుక్ స్టెప్ అందరిని ఆకట్టుకుంది. ఈ స్టెప్ ను చాలా మంది వేసి సోషల్ మీడియాలో పోస్ట్ చేసి పాపులర్ అయ్యారు. చిన్నపిల్లలు కూడా ఈ పాట వస్తే వెంటనే ఆ హుక్ స్టెప్పు ను వేసి ఆకట్టుకుంటున్నారు. ప్రపంచవ్యాప్తంగా సంచలనం సృష్టించిన ఈ పాటను సామాన్య ప్రజలతో పాటు సినీ ప్రముఖులు కూడా అనుకరించారు. ఈ సాంగ్ ఇప్పటికీ ట్రెండింగ్‌లో ఉంది.

మనుషులే కాదు జంతువులు కూడా ఈ స్టెప్పు ను అనుకరిస్తూ ఆకట్టుకుంటున్నాయి. తాజాగా అలంటి వీడియోనే ఇప్పుడు సోషల్ మీడియాలో వైరల్ అవుతుంది. ఆ పాటకు ఓ చింపాంజీ స్టెప్పులేయడం ఇప్పుడు వైరల్ గా మారింది. చింపాంజీ ఈ పాటకు స్టెప్పులేసి సోషల్ మీడియా మొత్తాన్ని షాక్‌కి గురి చేసింది. చింపాంజీకి సంబంధించిన వీడియో ఇంటర్నెట్‌లో వైరల్ అవుతోంది. వీడియోలో జూలో చింపాంజీ అల్లు అర్జున్ లనే స్టెప్పు వేసింది. ఈ ఫన్నీ వీడియో ఓ ఇన్‌స్టాగ్రామ్ ఖాతా నుండి షేర్ చేయబడింది. ఇప్పటికే చాలా మంది ఈ వీడియోను వీక్షించారు. ఈ పాటకు భారీ వ్యూస్ తో పాటు ఎక్కువ లైక్స్ కూడా వచ్చాయి.