Funny Video: కంత్రీ పిల్లి.. యాక్టింగ్‌లో ‘ఆస్కార్’ ఇచ్చేయొచ్చు.. వీడియో చూస్తే నవ్వులే నవ్వులు..!

Funny Video: ఈ భూమిపై కొన్ని కొట్ల జంతువులు మనుగడ సాగిస్తున్నాయి. వీటిలో కొన్నింటి గురించి మాత్రమే మానవ ప్రపంచానికి తెలుసు. మరీ ముఖ్యంగా మనుషులతో మమేకై జీవించే వాటిలో పిల్లి, కుక్క గురించి ప్రత్యేకంగా చెప్పుకోవాలి..

Cat

Shiva Prajapati |
Updated on: Mar 31, 2022 | 6:00 PM

Funny Video: ఈ భూమిపై కొన్ని కొట్ల జంతువులు మనుగడ సాగిస్తున్నాయి. వీటిలో కొన్నింటి గురించి మాత్రమే మానవ ప్రపంచానికి తెలుసు. మరీ ముఖ్యంగా మనుషులతో మమేకై జీవించే వాటిలో పిల్లి, కుక్క గురించి ప్రత్యేకంగా చెప్పుకోవాలి. ఇంట్లో కుటుంబ సభ్యుల మాదిరిగా కలిసి జీవిస్తాయి ఈ మూగ జీవాలు. చాలా మంది పెంపుడు జంతువులుగా పిల్లులు, కుక్కలను పెంచుకుంటారు. ఇంట్లో రెండూ ఉన్నట్లయితే.. అవి చేసే అల్లరి మామూలుగా ఉండదు. ఒకదానితో ఒకటి గిల్లికజ్జాలు ఆడుతుంటాయి. అయితే, తాజాగా ఓ పిల్లికి అల్లరి చేష్టలకు సంబంధించిన ఫన్నీ వీడియో ఒకటి సోషల్ మీడియాలో వైరల్ అవుతోంది. ఆ వీడియో చూసి నెటిజన్లు కడుపుబ్బా నవ్వుకుంటున్నారు.

ఇంతకీ ఆ వీడియోలో ఏముందో ఇప్పుడు తెలుసుకుందాం.. సాధారణంగానే పిల్లులు చాలా కన్నింగ్ గా ఉంటాయి. మన దేశీ పిల్లులు అయితే, ఇళ్లలోకి చొరబడి గుట్టు చప్పుడు కాకుండా పాలు, పెరుగు తాగి వెళ్లిపోతుంటాయి. ఆ క్రమంలో ఇంట్లో ఎవరైనా ఉన్నారా? లేరా? అనేది చాలా తెలివిగా పరిశీలిస్తాయి. ఎవరూ లేరని నిర్ధారించుకున్న తరువాత వచ్చిన పని పూర్తి చేసుకుని చటుక్కున అక్కడి నుంచి వెళ్లిపోతాయి. ఈ వైరల్ వీడియోలోని పిల్లి కూడా అచ్చం అలాంటి ప్రయత్నమే చేసింది. కాకపోతే.. దాని నటన మామూలుగా లేదు. వంట గదిలోకి దూరిన ఆ పిల్లి.. ముందుగా ఎవరైనా ఉన్నారా? అని చూసింది. తన రెండు కాళ్లపై నిల్చుని అటూ ఇటూ తెరిపారా పరిశీలించి చూసింది. ఎవరూ లేరని భావించిన ఆ పిల్లి.. తన పని తాను మొదలు పెట్టింది. అయితే, పిల్లి చేష్టలను వీడియో రికార్డ్ చేశారు ఇంటి యజమాని. ఆ ఫన్నీ వీడియోను సోషల్ మీడియా ప్లాట్‌ఫామ్ ఇన్‌స్టాగ్రమ్‌లో rhmsuwaidi అనే ఐడీలో షేర్ చేశారు. ఆ వీడియోను చూసి నెటిజన్లు ఫిదా అయిపోతున్నారు. 6 సెకన్ల వ్యవధితో ఉన్న ఈ వీడియోను 5 వేలకు పైగా వ్యూ్స్ వచ్చాయి. వందలాది మంది లైక్స్ చేస్తున్నారు. ఫన్నీ క్యాట్‌కు ఫిదా అయిపోన యూజర్లు.. రకరకాల కామెంట్స్ చేస్తు్న్నారు.