Viral: అడ్రస్ మారిన ఆన్లైన్ ఆర్డర్.. ఇంటికొచ్చిన పార్శిల్ ఓపెన్ చేసి చూడగా మైండ్ బ్లాంక్!
ఆన్లైన్లో ఫుడ్ ఆర్డర్ ఏం పెట్టలేదు.. కానీ ఇంటికి పార్శిల్ వచ్చింది. ఏమై ఉంటుంది.? ఎవరు పంపించి ఉంటారని అనుకుంటూ..
Updated on: Sep 03, 2022 | 8:35 PM
ఆన్లైన్లో ఫుడ్ ఆర్డర్ ఏం పెట్టలేదు.. కానీ ఇంటికి పార్శిల్ వచ్చింది. ఏమై ఉంటుంది.? ఎవరు పంపించి ఉంటారని అనుకుంటూ.. ఆ ఇంట్లో నివసిస్తున్న వ్యక్తి వెళ్లి పార్శిల్ రిసీవ్ చేసుకున్నాడు. ఆ తర్వాత దాన్ని ఓపెన్ చేసి చూడగా దెబ్బకు అతడి మైండ్ బ్లాంక్ అయింది. ఇంతకీ అసలేం జరిగింది.! ఆ కథేంటంటే..
వివరాల్లోకి వెళ్తే.. అమెరికాలోని న్యూయార్క్ పోలీసులకు ఓ అసాధారణమైన ఫోన్ కాల్ వచ్చింది. స్థానికంగా ఉండే ఓ వ్యక్తి.. తన ఇంటికి సరీసృపాల బాక్స్ వచ్చిందంటూ భయపడుతూ పేర్కొన్నాడు. కట్ చేస్తే.. పోలీసులు ఆ ఇంటికి వెళ్లి చూడగా.. బల్లులు, ఇగువానాలు నిండిన ఓ బాక్స్ కనిపించింది. వాటిని చూసి ఆ ఇంట్లో నివాసముంటున్న వ్యక్తి.. భయంతో గుండెను అరచేతిలో పెట్టుకున్నాడు. ఇక ఇందుకు సంబంధించిన ఫోటోను పోర్ట్ చెస్టర్ పోలీస్ డిపార్ట్మెంట్ ఫేస్బుక్లో పోస్ట్ చేసింది. అది కాస్తా నెట్టింట క్షణాల్లో వైరల్గా మారింది.
‘సరీసృపాలు నిండిన పార్శిల్ బాక్స్ అనుకోకుండా తప్పు అడ్రస్కు డెలివరీ అయింది. ఆ బాక్స్ ఓపెన్ చేసి.. వాటిని చూడగానే ఇంటి యజమాని భయంతో వణికిపోయాడు’ అని పీసీపీడీ తన పోస్ట్లో పేర్కొంది. ఆ సరీసృపాలన్నింటినీ పోలీసులు పట్టుకుని.. జాగ్రత్తగా బాక్స్లో బంధించారు. వాటిని స్థానిక యానిమల్ షెల్టర్ నిర్వాహకులకు స్వాధీనం చేసేందుకు.. ఆయా షెల్టర్ యజమానులతో సంప్రదింపులు చేస్తున్నారు. అలాగే ఎవరైనా కూడా సరీసృపాల బాక్స్ పార్శిల్ అందలేదని అనుకుంటే.. స్థానిక పోలీస్ స్టేషన్కు వచ్చి ఫిర్యాదు చేయాలని ఫేస్బుక్ పోస్ట్లో పోర్ట్ చెస్టర్ పోలీస్ డిపార్ట్మెంట్ తెలిపింది.
కాగా, ఈ వ్యవహారంపై పోర్ట్ చెస్టర్ పోలీసులు విచారణ మొదలుపెట్టారు. అన్యదేశ పెంపుడు జంతువుల వ్యాపారం ద్వారా అమెరికాలోని ఇవి అక్రమంగా రవాణా చేయబడ్డాయా.? ఎవరు వీటిని ఆన్లైన్లో ఆర్డర్ చేశారు.? అక్రమ రవాణా జరుగుతున్నట్లయితే.. ఇవి ఎక్కడ నుంచి వచ్చాయి.? అనే కోణాల్లో దర్యాప్తు చేస్తున్నారు.
మరిన్ని ట్రెండింగ్ న్యూస్ కోసం..
