Trending: పిచ్చి ముదిరితే ఇలాగే తిక్క కుదురుతుంది.. టపాసులతో ఆటలాడబోయి.. జరిగిన సీన్ కు గుడ్లు తేలేశాడు..
టపాసులు కాల్చడం పర్యావరణానికి తీవ్ర హాని కలిగిస్తుంది. వాటి నుంచి వచ్చే పొగ గాలిలో కలిసిపోతుంది. ఆ గాలిని పీల్చడం ద్వారా ఆరోగ్య సమస్యలు వస్తాయి. ఈ విషయాల గురించి కొత్తగా చెప్పాల్సిన అవసరం..
Updated on: Feb 20, 2023 | 12:17 PM
టపాసులు కాల్చడం పర్యావరణానికి తీవ్ర హాని కలిగిస్తుంది. వాటి నుంచి వచ్చే పొగ గాలిలో కలిసిపోతుంది. ఆ గాలిని పీల్చడం ద్వారా ఆరోగ్య సమస్యలు వస్తాయి. ఈ విషయాల గురించి కొత్తగా చెప్పాల్సిన అవసరం లేదు. అందరికీ తెలిసిందే. అయినా.. మార్పు మాత్రం రాదు. అందుకే.. దీపావళి వంటి పర్వదినాల్లోనూ పరిమితిగా బాణాసంచా కాల్పుకోవాలని ప్రభుత్వాలు షరతు విధిస్తున్నాయి. అదే కాకుండా బాణాసంచా కాల్చడం ద్వారా కొన్ని సార్లు ప్రమాదానికీ గురవుతుంటారు. కాబట్టి బాణాసంచా కాల్చేటప్పుడు చాలా అప్రమత్తంగా ఉండాలి. ఈ సోషల్ మీడియా యుగంలో ప్రజల్లో తనకంటూ ఓ గుర్తింపు తెచ్చుకోవడానికి పోటీ ఉంది. వాటిని చూసిన తర్వాత ఆశ్చర్యం కలుగుతుంది. ఇలాంటి వ్యక్తుల వీడియోలు ఇంటర్నెట్లో వచ్చినప్పుడు అవి ఎక్కువగా షేర్ అవుతుంటాయి. ప్రస్తుతం అలాంటి వీడియో ఒకటి సోషల్ మీడియాలో వైరల్ అవుతోంది. ఈ వీడియో చూసిన తర్వాత మీరు కూడా మీ నవ్వును ఆపుకోలేరు.
వైరల్ అవుతున్న వీడియోలో ఓ వ్యక్తి.. పటాకులు కాల్చేందుకు ట్రై చేస్తుంటాడు. అయితే.. అతడు అందరిలా కాకుండా కాస్త వెరైటీగా ఉండేలా పటాకులు వెలిగిస్తాడు. టపాసును వెలిగించి దాని మీద ఓ డబ్బా బోర్లించాడు. క్రాకర్ కు నిప్పు ఉండటం వల్ల అది పేలింది. దానిపై కప్పిన డబ్బా.. అమాంతం గాల్లోకి ఎగిరి.. ఒక్కసారిగా ఆ టపాసు అంటించిన వ్యక్తి తలపై పడింది. ఈ ఘటనలో అతను తీవ్రంగా గాయపడ్డాడు.
View this post on Instagram
ఈ వీడియోను ప్రముఖ సోషల్ మీడియా మాధ్యమం.. ఇన్స్టాగ్రామ్లో పోస్ట్ చేశారు. ఇప్పటివరకు 44 వేలకు పైగా వ్యూస్, వేల సంఖ్యలో లైక్స్ వస్తున్నాయి. అంతే కాకుండా వీడియో చూసిన నెటిజన్లు తమ అభిప్రాయాలను కామెంట్ల రూపంలో రాస్తు్న్నారు.
