Viral Video: ఏంది సామీ చంపేస్తారా? చల్లగా బీరు తాగుదామని ఓపెన్ చేయబోతే.. మైండ్‌ బ్లాంక్‌ సీన్! వీడియో
ఫ్రెండ్స్ తో పార్టీ చేసుకుందామని స్థానికంగా ఉన్న ఓ వైన్ షాపులో మద్యం బాటిల్లు కొని ఇంటికి తెచ్చాడో వ్యక్తి. ఆనక పార్టీ స్టార్ట్ చేద్దామని ఓ బీరు బాటిల్ మూత తీయబోయాడు. అంతే బాటిల్ లోపల కనిపించిన సీన్ చూసి పరేషాన్ అయ్యాడు. ఇందుకు సంబంధించిన వీడియో ఒకటి ప్రస్తుతం సోషల్ మీడియాలో వైరల్ గా మారింది..
వికారాబాద్‌, అక్టోబర్ 25: పార్టీ చేసుకుందామని స్థానిక దుకాణంలో పెద్ద ఎత్తున బీర్లు కొనుగోలు చేశాడో వ్యక్తి. ఆనక వాటిని తీసుకొచ్చి.. ఓపెన్ చేయబోగా బీరు సీసాలో కనిపించిన దృశ్యం చూసి గుడ్లు తేలేశాడు. బీరు సీసాలో ఓ సరీసృపం తేలుతూ కనిపించింది. దీంతో పరాషానైన సదరు వ్యక్తి బాటిల్‌ను ఓపెన్ చేయకుండానే నేరుగా షాప్‌కు తీసుకెళ్లాడు. ఇదేంటని ప్రశ్నించగా.. తమకేం తెలియదని దబాయించడంతో చిర్రెత్తిపోయిన సదరు వ్యక్తి వీడియో తీసి సోషల్ మీడియాలో పోస్టు చేశాడు. ఈ షాకింగ్‌ ఘటన తెలంగాణలోని వికారాబాద్‌ జిల్లాలో వెలుగు చూసింది. ఇందుకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది. వివరాల్లోకెళ్తే..
తెలంగాణలోని వికారాబాద్‌ జిల్లా ధారూర్‌ మండలం కేరెల్లి గ్రామానికి చెందిన లక్ష్మీకాంత్ రెడ్డి, అనంతయ్య ఇద్దరూ స్నేహితులు. వీరు పార్టీ చేసుకోవడానికని రూ.4వేల విలువైన మద్యం సీసాలను స్థానికంగా ఉన్న ఓ వైన్ షాపు నుంచి కొనుగోలు చేశారు. బీర్లతో పాటు వివిధ బ్రాండ్లకు చెందిన మందును ఇంటికి తీసుకెళ్లారు. తీరా పార్టీ చేసుకుందామని బీరు బాటిల్ ఓపెన్ చేయబోతే అందులో ఏదో తేలుతూ కనిపించింది. ఇదేంటా అని క్షుణ్నంగా పరిశీలించి చూడగా.. మైండ్‌ బ్లాంక్‌ అయ్యే సీన్ కనిపించింది. బడ్‌వైజర్‌ బ్రాండ్‌కు చెందిన బీరు బాటిలో లోపన చనిపోయిన బల్లి తేలుతూ కనిపించింది. దీంతో ఒక్కసారిగా షాకైన స్నేహితులు ఇద్దరూ బాలిల్‌ ఓపెన్ చేయకుండానే.. దానిని కొనుగోలు చేసిన షాపుకు తీసుకెళ్లారు.
In a viral video from Dharur, Vikarabad, #Telangana, a consumer found Lizard in a #Budweiser beer purchased in a local liquor shop. pic.twitter.com/8jMfZuZe67
— Sowmith Yakkati (@YakkatiSowmith) October 25, 2024
వైన్ షాపు నిర్వాహకుడికి బీరు బాటిల్ లోపల బల్లి ఉందని చూపిస్తే.. సదరు వైన్ షాపు యజమాని మాత్రం తమకేం సంబంధం లేదని దబాయించాడు. దానిని తయారు చేసిన కంపెనీ నుంచే అలా వచ్చి ఉంటుందని, మేం మధ్యలో ఉండి దానిని మీకు విక్రయించామని, దానికి మేమేం చేస్తామంటూ నిర్లక్ష్యంగా సమాధానం ఇచ్చాడు. దీంతో కోపోద్రిక్తుడైన లక్ష్మీకాంత్ రెడ్డి.. బీర్‌ బాటిల్ లోపల తేలుతున్న బల్లి అవశేషాలను వీడియో తీసి సోషల్ మీడియాలో పోస్టు చేశాడు. ప్రస్తుతం ఈ పోస్టు నెట్టింట వైరల్‌గా మారింది. నాణ్యతలేని మద్యం విక్రయించి, మా ఆరోగ్యాలతో చెలగాటం ఆడుతున్నారా? అంటూ పలువురు మందుబాబులు మండిపడుతున్నారు.
