Telangana: టీఎస్‌పీఎస్‌సీ లీకేజీ వ్యవహారంలో రోజుకో ట్విస్ట్.. బయటపడుతున్న సంచలన నిజాలు..!
టీఎస్‌పీఎస్‌సీ లీకేజీ వ్యవహారంలో రోజుకో కొత్త విషయం వెలుగులోకి వస్తోంది. తవ్వేకొద్దీ సంచలనాలు బయటపడుతూనే ఉన్నాయి. కమిషన్‌లో పని చేస్తున్న 10 మంది ఉద్యోగులు గ్రూప్-1 ప్రిలిమ్స్‌లో క్వాలిఫై అయినట్లు గుర్తించారు సిట్ అధికారులు.
టీఎస్‌పీఎస్‌సీ లీకేజీ వ్యవహారంలో రోజుకో కొత్త విషయం వెలుగులోకి వస్తోంది. తవ్వేకొద్దీ సంచలనాలు బయటపడుతూనే ఉన్నాయి. కమిషన్‌లో పని చేస్తున్న 10 మంది ఉద్యోగులు గ్రూప్-1 ప్రిలిమ్స్‌లో క్వాలిఫై అయినట్లు గుర్తించారు సిట్ అధికారులు. ఆ 10 మందికి ఇప్పటికే నోటీసులు జారీ చేశారు. వీరిలో ముగ్గురు ఔట్‌ సోర్సింగ్ ఉద్యోగులు, ఏడుగురు రెగ్యులర్ ఉద్యోగులు ఉన్నట్లు గుర్తించారు. ఇందులో ఒకరిని అదపులోకి తీసుకొని ప్రశ్నిస్తోంది సిట్.
ఇప్పటికే అరెస్టైన 9 మంది నిందితులను వరుసగా ఐదో రోజూ విచారిస్తోంది సిట్. ప్రధాన నిందితులు ప్రవీణ్‌, రాజశేఖర్ పెన్‌డ్రైవ్‌ నుంచే క్వశ్చన్‌ పేపర్లు లీకయ్యాయని గుర్తించారు. 14 లక్షల నగదు లావాదేవీలపైనా ప్రశ్నిస్తున్నారు. క్వశ్చన్‌ పేపర్లు ఇచ్చిన రేణుకకు నీలేశ్ & గోపాల్ ద్వారా 14 లక్షల నగదు అందినట్లు ఆధారాలు సేకరించింది సిట్. అటు రాజశేఖర్ కాంటాక్ట్స్ & వాట్సప్ చాటింగ్ వివరాల ఆధారంగా కీలక సమాచారం రాబడుతున్నారు. రాజశేఖర్ స్నేహితుడు సురేష్ గ్రూప్-1 ప్రిలిమ్స్ క్వాలిఫై అవ్వడంతో అతడిని కూడా అదుపులోకి తీసుకుని ప్రశ్నిస్తోంది సిట్. సురేష్ & రాజశేఖర్ మధ్య లావాదేవీలపైనా ఆరా తీస్తున్నారు.
టీఎస్‌పీఎస్‌సీ కాన్ఫిడెన్షియల్ సెక్షన్‌ సూపరింటెండెంట్ శంకర్ లక్ష్మిని ఇప్పటికే విచారించింది సిట్. ఆమె స్టేట్‌మెంట్‌ను కూడా రికార్డ్ చేసింది.
మరిన్ని తెలంగాణ వార్తల కోసం ఈ లింక్ క్లిక్ చేయండి..