TSLPRB: తెలంగాణ ఎస్సై, కానిస్టేబుల్ అభ్యర్ధులకు అలర్ట్.. జూన్ 14 నుంచి ధ్రువ పత్రాల పరిశీలన
తెలంగాణల ఎస్సై, కానిస్టేబుళ్ల ఎంపిక ప్రక్రియ తుది దశకు చేరుకుంది. ఇందుకు సంబంధించి పనులను తెలంగాణ స్టేట్ లెవెల్ పోలీస్ రిక్రూట్మెంట్ బోర్డు (టీఎస్ఎల్పీఆర్బీ) వేగవంతం చేసింది. తుది రాత పరీక్షల ఫలితాలను ఇటీవల బోర్డు వెల్లడించిన సంగతి తెలిసిందే. తదుపరి దశలో ధ్రువీకరణ పత్రాలను..
Updated on: Jun 08, 2023 | 3:00 PM
తెలంగాణల ఎస్సై, కానిస్టేబుళ్ల ఎంపిక ప్రక్రియ తుది దశకు చేరుకుంది. ఇందుకు సంబంధించి పనులను తెలంగాణ స్టేట్ లెవెల్ పోలీస్ రిక్రూట్మెంట్ బోర్డు (టీఎస్ఎల్పీఆర్బీ) వేగవంతం చేసింది. తుది రాత పరీక్షల ఫలితాలను ఇటీవల బోర్డు వెల్లడించిన సంగతి తెలిసిందే. తదుపరి దశలో ధ్రువీకరణ పత్రాలను జూన్ 14 నుంచి 26వ తేదీ వరకు పరిశీలించాలని నిర్ణయించింది. ఇందుకోసం రాష్ట్రవ్యాప్తంగా 18 ప్రాంతాల్లో కేంద్రాలను ఏర్పాటు చేసింది (హైదరాబాద్, సైబరాబాద్, రాచకొండ, వరంగల్, కరీంనగర్, ఖమ్మం, నిజామాబాద్, సిద్దిపేట, రామగుండం, ఆదిలాబాద్, భద్రాద్రి కొత్తగూడెం, మహబూబాబాద్, నల్గొండ, సూర్యాపేట, సంగారెడ్డి, జోగులాంబ గద్వాల, మహబూబ్నగర్, నాగర్కర్నూల్).
ప్రతి కేంద్రానికి అదనపు ఎస్పీ/అదనపు డీసీపీ స్థాయి అధికారిని పర్యవేక్షకుడిగా నియమించింది. ఆ హోదా అధికారి అందుబాటులో లేనిపక్షంలో సంబంధింత యూనిట్ ఎస్పీ ఆ ప్రక్రియ చూసుకోవాలని సూచించింది. మొత్తం 14 నుంచి ధ్రువీకరణ పత్రాలను పరిశీలించనుంది. ధ్రువీకరణ పత్రాల పరిశీలన అనంతరం కటాఫ్ మార్కులను ప్రకటించనుంది. దీంతో తుదిఎంపికలో కటాఫ్ మార్కులు కీలకం కానున్నాయి. జిల్లా, కంటీజియస్ డిస్ట్రిక్ట్(పొరుగునే ఉండే జిల్లా), జోనల్, మల్టీజోనల్ స్థాయుల్లోని ఖాళీలను పరిగణనలోకి తీసుకోనున్నారు.
కాగా తుది ఫలితాల్లో 1,50,852 మందిని అర్హులుగా గుర్తించారు. ఒకటికంటే ఎక్కువ పరీక్షల్లో అర్హత సాధించినవారు ఉండటంతో మొత్తం అర్హుల సంఖ్య సుమారు 1.09 లక్షల మందిగా తెలింది. ఈ లెక్కన మొత్తం 17,516 పోస్టుల కోసం సగటున ఆరుగురు చొప్పున పోటీపడుతున్నట్లు వెల్లడైంది.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.
