Telangana Assembly Sessions Live Updates: ప్రారంభమైన అసెంబ్లీ సమావేశాలు.. సినిమా థియేటర్లు మూసివేసే అలోచన లేదు.. ఎందుకంటే..

తెలంగాణలో కరోనా కేసులు పెరుగుతున్నందున సినిమా థియేటర్లు మూసివేస్తారనే వార్తలు వినిపించిన నేపథ్యంలో మంత్రి తలసాని శ్రీనివాస్‌ యాదవ్‌ మాట్లాడారు. థియేటర్లు మూసివేస్తే సినీ పరిశ్రమ భారీ నష్టాల్లోకి వెళ్తుందని అన్నారు. సీట్ల కుదింపుపై ఏ నిర్ణయం తీసుకోలేదు. థియేటర్లు మూసివేస్తే వేలాది కార్మికులు రోడ్డున పడే పరిస్థితి వస్తుంది.

తెలంగాణ అసెంబ్లీ కొనసాగుతోంది. అయితే సినిమా థియేటర్ల మూసివేత ఆలోచన లేదని మంత్రి తలసాని శ్రీనివాస్‌ యాదశ్‌ తెలిపారు. సీట్ల కుదింపుపై కూడా ఏ నిర్ణయం తీసుకోలేదని, ఇప్పుడున్న నిబంధనల ప్రకారమే థియేటర్లు నడుస్తాయని అన్నారు.

ప్రస్తుతం రాష్ట్రంలోని యూనివర్సిటీలో మౌలిక వసతులను దృష్టిలో ఉంచుకుని 1500 మందికి ప్రవేశాలు కల్పించామని మంత్రి సబితా ఇంద్రారెడ్డి సభలో తెలిపారు. యూనివర్సిటీ ఏర్పడిన తొలి రోజుల్లోనే 2 వేల మంది విద్యార్థులుకు ప్రవేశం కల్పించామని, కానీ సరిపడ మౌలిక వసతులు లేకపోవడంతో 2010లో వెయ్యి మందికి ప్రవేశాలు

నిర్మల్‌ జిల్లాలోని బాసర ఐఐఐటీలో సీట్లను పెంచే అంశాన్ని ముఖ్యమంత్రి కేసీఆర్‌ పరిశీలిస్తున్నట్లు రాష్ట్ర విద్యాశాఖ మంత్రి సబితా ఇంద్రారెడ్డి సభలో తెలిపారు. బాసర ఐఐఐటీలో సీట్ల పెంపు అంశానికి సంబంధించి స‌భ్యులు అడిగిన ప్రశ్నాలకు మంత్రి సమాధానం ఇచ్చారు.

తెలంగాణ రాష్ట్రంలో కరోనా కేసులు పెరుగుతున్న నేపథ్యంలో సినిమా థియేటర్లు మూసివేసే అవకాశం కనిపిస్తోంది. ఇప్పటికే వైద్య ఆరోగ్యశాఖ థియేటర్లు మూసివేయాలని ప్రభుత్వానికి నివేదిక పంపింది. ఈ మేరకు సభలో కరోనా కట్టడిపై కీలక నిర్ణయం తీసుకునే అవకాశం కనిపిస్తోంది. థియేటర్లు కూడా మూసివేసేలా చర్యలు తీసుకోనున్నట్లు తెలుస్తోంది.

తెలంగాణ అసెంబ్లీ బడ్జెట్‌ సమావేశాల్లో సభలో ప్రశ్నోత్తరాలు కొనసాగుతున్నాయి. అయితే ఈ రోజు సమావేశాల్లో కరోనాపై చర్చించనున్నారు. తెలంగాణలో థియేటర్లు మళ్లీ బంద్‌ చేసే అవకాశం కనిపిస్తోంది. ఇప్పటికే పాఠశాలలు, కళాశాలలు మూసివేస్తున్నట్లు నిన్న ప్రకటించిన ప్రభుత్వం.. సినిమ థియేటర్లు కూడా మూసివేస్తే బాగుంటుందని వైద్య ఆరోగ్యశాఖ ప్రభుత్వానికి ప్రతిపాదనలు పంపింది.

బుధవారం జరిగే సమావేశాల్లో విద్యాశాఖ, వైద్య ఆరోగ్య, పాఠశాల, సాంకేతిక, ఉన్నత విద్య సహా వివిధ శాఖల పద్దులకు సంబంధించిన అంశాలు చర్చకు రానున్నాయి. అదే విధంగా క్రీడలు, కార్మిక, దేవాదాయ, అటవీ శాఖ, పర్యాటక, ప్రభుత్వ రంగ సంస్థలు, ఐటీ పరిశ్రమల శాఖల పద్దులపై కూడా చర్చించే అవకాశం ఉంది.

తెలంగాణ అసెంబ్లీ బడ్జెట్‌ సమావేశాలు ప్రారంభం అయ్యాయి. సమాశంలో కరోనా కట్టడిపై కీలక నిర్ణయం తీసుకునే అవకాశం ఉంది.