Nirmal: హనుమాన్ టెంపుల్‌లో అద్భుతం.. తనంతట తానే కదిలిన హారతి పళ్లెం..
హనుమాన్ ఆలయంలో అద్భుతం వెలుగుచూసింది. ఎవరి ప్రమేయం లేకుండానే హారతి పళ్లెం చాలాసేపు కదిలింది. దాదాపు 4 నిమిషాల పాటు ఈ దృశ్యం ఆవిష్కృతమైంది. మరిన్ని వివరాలు...
నిర్మల్ జిల్లాలో అద్భుతం జరిగింది. బైంసా పట్టణంలోని శ్రీ వీర హనుమాన్ ఆలయంలో హారతి పళ్ళెం తనంతట తానే కదలడంతో భక్తులు విస్తుపోయారు. ప్రతిరోజు మాదిరిగానే ఏప్రిల్‌ 15 శనివారం రాత్రి అర్చకులు పూజలు నిర్వహించి, స్వామివారికి హారతి ఇచ్చారు. తర్వాత భక్తులకు హారతి చూపించి యధావిధిగా స్వామివారి ముందు హారతి పళ్లాన్ని ఉంచారు. హారతి పళ్లెం అలా కింద పెట్టగానే తనకు తానుగా పళ్లెం కదలడం మొదలుపెట్టింది. ఏకంగా నాలుగు నిమిషాల పాటు ఆ పళ్లెం కదులుతూ అందరిని ఆశ్చర్యానికి గురి చేసింది.
ఈ దృశ్యాన్నిచూసి భక్తలు భక్తి పారవశ్యంతో పొంగిపోయారు. అదంతా హనుమంతుడి మహిమేనని చెబుతున్నారు. స్వామి అనుగ్రహం ఈ రూపంలో చూపించారన్నారు. హారతి పళ్లెం కదులుతున్న వీడియో నెట్టింట చేరి వైరల్ అవుతోంది. ఆ దృశ్యాలను చూసిన భక్తులు పరవశానికి లోనవుతున్నారు. వీడియో దిగువన ఉంది చూడండి…
మరిన్ని తెలంగాణ వార్తల కోసం క్లిక్‌ చేయండి.
