Hyderabad Drugs Case: రాడిసన్ డ్రగ్స్ పార్టీ కేసులో ముగ్గురికి పాజిటివ్.. తప్పించుకునేందుకు సరికొత్త ఎత్తులు..!

Radisson Drugs Party Case: రాడిసన్ డ్రగ్స్ పార్టీ కేసు టాలీవుడ్‌లో కలకలం రేపుతోంది.. ఈ కేసులో ముగ్గురికి పాజిటివ్ వచ్చినట్లు అధికారులు వెల్లడించారు. పార్టీ జరిగిన తర్వాత రోజే టెస్ట్ చేయడంతో ఈ ముగ్గురికి పాజిటివ్ గా నిర్ధారణ అయింది. యూరిన్ శాంపిల్స్‌లో మరో ఆరుగురికి నెగిటివ్ గా నిర్ధారించారు. పార్టీ జరిగిన వారం తర్వాత విచారణకు రావడంతోనే నెగిటివ్ వచ్చినట్టు అనుమానం వ్యక్తం చేస్తున్నారు. పూర్తి డైట్ పాటించడంతో డ్రగ్స్ ఆనవాళ్లు కనిపించలేదని భావిస్తున్నట్లు తెలుస్తోంది. నెగిటివ్ వచ్చిన వాళ్లు డ్రగ్స్ తీసుకోలేదా.. లేదంటే దొరక్కుండా జాగ్రత్త పడ్డారా? అనే అనుమానాలు వ్యక్తమవుతున్నాయి.

కాగా.. రాడిసన్ హోటల్‌లో డ్రగ్స్ పార్టీ కేసులో 12 మందిపై కేసు నమోదు చేసిన పోలీసులు వేగంగా దర్యాప్తు చేస్తున్నారు. అయితే వాళ్లలో కొంత మంది విచారణకు వెంటనే రాకుండా పలు కారణాలు చూపించి జాప్యం చేశారు. ఆ తర్వాత ఒకరి తర్వాత ఒకరు విచారణకు వస్తున్నారు. అయితే ఈలోపు తీసుకోవాల్సిన జాగ్రత్తలన్నీ తీసుకుని.. అధికారుల ముందు హాజరవుతున్నట్టు తెలుస్తోంది.

వారం తర్వాత బ్లడ్, యూరిన్ శాంపిల్స్ ఇవ్వడంతో నెగిటివ్ వస్తున్నట్టుగా అధికారులు అనుమానిస్తున్నారు. మరి అధికారులు అనుమానిస్తున్నట్టు జాగ్రత్తలు తీసుకోవడం వల్లే వాళ్ల రిపోర్ట్‌లు నెగిటివ్ వచ్చాయా.. లేదంటే సదరు నిందితులు డ్రగ్స్ తీసుకోలేదా.. అనేది తేలాల్సి ఉంది.

అయితే, అధికారులకు దొరక్కుండా నిందితులు జాగ్రత్తలు తీసుకుంటున్నట్లు అనుమానాలు వ్యక్తమవుతున్నాయి. హెయిర్ శాంపిల్స్‌లో బయట పడకుండా హెయిర్ డై .. గోళ్లకు పెడిక్యూర్ చేసుకుని నిందితులు విచారణకు వస్తున్నట్లు అనుమానాలు వ్యక్తమవుతుండటం కలకలం రేపుతోంది..

మరిన్ని తెలంగాణ వార్తల కోసం ఇక్కడ క్లిక్ చేయండి..