Hyderabad: గ్యాస్‌ సిలిండర్లను అపహరించుకెళ్లిన దొంగలు.. CCTV కెమెరాల్లో రికార్డైన దృశ్యాలు..

పోలీసులు ఎన్ని భద్రతా చర్యలు తీసుకుంటున్నా, హెచ్చరికలు జారీ చేస్తోన్నా దొంగలు ఆగడం లేదు. అవకాశం దొరికినప్పుడల్లా తమ చేతివాటం చూపిస్తూనే ఉన్నారు.

Basha Shek |

Updated on: Dec 16, 2021 | 7:01 PM

పోలీసులు ఎన్ని భద్రతా చర్యలు తీసుకుంటున్నా, హెచ్చరికలు జారీ చేస్తోన్నా దొంగలు ఆగడం లేదు. అవకాశం దొరికినప్పుడల్లా తమ చేతివాటం చూపిస్తూనే ఉన్నారు. చేతికందినవి దోచుకునిపోతున్నారు. తాజాగా హైదరాబాద్‌లో ఇద్దరు దొంగలు ఏకంగా గ్యాస్‌ సిలిండర్లను అపహరించారు. ఓ అపార్ట్‌ మెంట్లో ఉంచిన మూడు సిలిండర్లను చాకచక్యంగా పట్టుకెళ్లారు. అయితే ఈ దృశ్యాలు సీసీటీవీ కెమెరాల్లో రికార్డవ్వడంతో ఈ దొంగల భాగోతం బయటపడింది. హైదరాబాద్‌ మాదాపూర్ పోలీస్‌ స్టేషన్‌ పరిధిలో ఈ సంఘటన జరిగింది

పోలీసులు తెలిపిన వివరాల మేరకు.. ఖాన్‌మెట్ ఆలేఖ్య బ్లూ బెల్స్అపార్ట్‌మెంట్‌లో ప్రవేశించిన ఇద్దరు వ్యక్తులు అక్కడే ఉన్న సిలిండర్లను తమతో తీసుకెళ్లారు. మొత్తం మూడు సిలిండర్లు చోరీకి గురయ్యాయి. అయితే ఈ దృశ్యాలు సీసీ కెమెరాలో రికార్డయ్యాయి. దీంతో అపార్ట్‌మెంట్‌ వాసులు పోలీసులకు ఫిర్యాదు చేశారు. దీంతో దొంగల ఆచూకీ కనుగొనే పనిలో పడ్డారు పోలీసులు. కాగా ఇటీవల భాగ్యనగరంలో దొంగతనాలు పెరుగుతున్నాయని ప్రజలు అప్రమత్తంగా ఉండాలని పోలీసులు ప్రజలను హెచ్చరిస్తున్నారు.