Telangana: విద్యార్ధులకు గుడ్ న్యూస్.. రెండు కాదు.. ఏకంగా 4 రోజులు సెలవులు.!
తెలంగాణలో ఎడతెరిపి లేకుండా కురుస్తున్న వర్షాలు కారణంగా బుధవారం(జూలై 26), గురువారం(జూలై 27) అన్ని విద్యాసంస్థలకు రాష్ట్ర ప్రభుత్వం సెలవులు ప్రకటించింది. ఇదిలా ఉంటే.. నెట్టింట మాత్రం వరుసగా 5 రోజులు సెలవులంటూ ఓ వార్త తెగ వైరల్ అవుతోంది. 'జూలై 26, 27 వర్షాలు కారణంగా సెలవులు, 28 ఆప్షనల్ హాలీడే, 29న మొహర్రం సెలవు, 30న ఆదివారం.. వరుసగా 5 రోజులు సెలవులు' అన్నది ఆ వార్త సారాంశం. అయితే దీనిపై క్లారిటీ ఇదిగో..
Updated on: Jul 28, 2023 | 4:42 PM
హైదరాబాద్, జూలై 26: తెలంగాణలో ఎడతెరిపి లేకుండా కురుస్తున్న వర్షాలు కారణంగా బుధవారం(జూలై 26), గురువారం(జూలై 27) అన్ని విద్యాసంస్థలకు రాష్ట్ర ప్రభుత్వం సెలవులు ప్రకటించింది. ఇదిలా ఉంటే.. నెట్టింట మాత్రం వరుసగా 5 రోజులు సెలవులంటూ ఓ వార్త తెగ వైరల్ అవుతోంది. ‘జూలై 26, 27 వర్షాలు కారణంగా సెలవులు, 28 ఆప్షనల్ హాలీడే, 29న మొహర్రం సెలవు, 30న ఆదివారం.. వరుసగా 5 రోజులు సెలవులు’ అన్నది ఆ వార్త సారాంశం. అయితే దీనిపై క్లారిటీ ఇదిగో..
ప్రభుత్వ క్యాలెండర్ ప్రకారం.. జూలై 28(మొహర్రం 9వ రోజు) ఆప్షనల్ హాలీడే, జూలై 29న మొహర్రం పబ్లిక్ హాలీడేగా ఉంది. ఇక్కడ జూలై 28న ఆప్షనల్ హాలీడే కేవలం ప్రభుత్వ ఉద్యోగులకే వర్తిస్తుంది. 29న మొహర్రం హాలీడే స్కూళ్లకు వర్తిస్తుంది. ఇక 30న ఆదివారం. మరోవైపు విద్యార్ధులకు మాత్రం రెండు రోజులు కాదు.. ఏకంగా నాలుగు రోజులు సెలవులు వచ్చాయి. వర్షాలు ఎడతెరిపి లేకుండా కురుస్తుండటంతో జూలై 26, 27.. అనగా బుధవారం, గురువారంతో పాటు మొహర్రం జూలై 29న శనివారం, జూలై 30 ఆదివారం కలిపి వాళ్లకు నాలుగు రోజులు సెలవులని చెప్పొచ్చు.
