Watch: ప్రాణాలు కాపాడారు… ఎలుగుబంటిని అధికారులు ఎలా రక్షించారో చూడండి..

పాపం బల్లూకం. ఎలా పడిందో తెలియదు కాని అనుకోకుండా బావిలో పడింది. ఒడ్డుకు చేరేందుకు నానాతంటాలు పడింది. బావిలో పడిపోయిన ఎలుగు బంటిని రక్షించారు. దాన్ని బయటకు రప్పించడంలో చాకచక్యంగా వ్యవహరించారు. తెలంగాణలోని జగిత్యాల జిల్లాలో చోటుచేసుకున్న ఈ ఘటనకు సంబంధించిన వీడియోను ఇప్పుడు వైరల్ అవుతోంది. బావి లాంటి నిర్మాణంలో పడిపోయిన ఎలుగుబంటిని (Bear)రక్షించేందుకు అధికారులు మొదట నిచ్చెన జార విడిచారు. అయితే, అది బయటకు వచ్చి తమపై దాడి చేయకుండా ఉండేందుకు ముందుగానే అక్కడి నుంచి పారిపోయారు. దీంతో బయటకు వచ్చిన ఎలుగు అక్కడి నుంచి అడవిలోకి పోరిపోయింది. జగిత్యాల జిల్లా మల్యాల మండలం బల్వంతపూర్ శివారు వ్యవసాయ బావిలో సీన్ ఇది. ఎలుగుబంటి సహా 2 పిల్ల ఎలుగుబంట్లు ప్రమాదవశాత్తు బావిలో పడ్డాయి. స్థానికులు అటవీ శాఖ అధికారులకు సమాచారం అందించారు. కొండగట్టు డిప్యూటీ రేంజ్ అధికారి బెస్ క్యాంపు సిబ్బందితో కలిసి ఘటనా స్థలానికి చేరుకున్నారు. బావిలో ఉన్నవాటిని రక్షించేందుకు తాడు, నిచ్చెన వేశారు. ఒడ్డుకు చేరాలన్న వాటి తపన కాసేపు ఫలించలేదు. చివరకు మూడు ఎలుగుబంట్లు నిచ్చెన సాయంతో గట్టెక్కాయి. దాహం తీర్చుకోవడం కోసం వ్యవసాయ బావి దగ్గరకు వచ్చిన ఎలుగుబండ్లు ప్రమాదవశాత్తు జారీ పడి ఉంటాయని అధికారులు అంచనా వేస్తున్నారు.

ఆ వీడియో మీరూ చూసేయండి..