Conocarpus Trees: పిట్ట కూడా వాలని చెట్టు.. మొక్కే కదా అని పెంచితే..!

వృక్షో రక్షతి రక్షితః అంటారు. వృక్షాలను సంరక్షిస్తే.. అవే మనల్ని రక్షిస్తాయనేది పెద్దల మాట. కానీ, కోనోకార్పస్‌ చెట్లు మాత్రం ఈ కోవలోకి రావని, అవి యమ డేంజర్‌ అంటున్నారు కొందరు. పచ్చదనం, అందం కోసం రోడ్ల పక్కన, రోడ్ల మధ్యలో.. నాటే ఈ మొక్కలను తెలంగాణ, ఏపీ, తమిళనాడు, గుజరాత్‌ రాష్ట్రాలు నిషేధించాయి. ఈ నేపథ్యంలో కోనో కార్పస్‌ చెట్ల గురించి ప్రజలకు అవగాహన పెంచేందుకు జన చైతన్య వేదిక సమావేశం నిర్వహించింది. వాళ్లు చెబుతున్నట్లు వీటి వల్ల వచ్చే ప్రయోజనాలేమిటో చూద్దాం. కోనోకార్పస్‌ చెట్లను వ్యతిరేకిస్తున్న వాళ్ల వాదన ఏంటో చూద్దాం.

మానవాళికి ప్రమాదకరంగాఉన్న కోనో కార్పస్ చెట్లని నరికివేయాలని జరుగుతున్న ప్రచారాన్ని కొట్టిపారేసారు శాస్త్రవేత్తలు పర్యావరణవేత్తలు.కోనో కార్పస్ చెట్లు మిగతా చెట్ల కన్నా కూడా అత్యధిక మోతాదులో కార్బన్‌ డయాక్సైడ్ ను తీసుకొని ఆక్సిజన్ విడుదల చేస్తాయని వాళ్లు స్పష్టం చేశారు. హైదరాబాద్ ప్రెస్ క్లబ్ లో జన చైతన్య వేదిక అధ్యక్షుడు లక్ష్మణరెడ్డి ఆధ్వర్యంలో జరిగిన సమావేశంలో కోనో కార్పస్‌ చెట్లను పరిరక్షించాలన్నారు.దీనికి సంబంధించిన పరిశోధన చిత్రాలను ఫలితాలను పవర్ పాయింట్ ప్రజెంటేషన్ ద్వారా వివరించారు. కోనో కార్పస్‌ చెట్లపై జరిగిన పరిశోధనలో మానవాళికి ఉపయోగపడే ఫలితాలు వెల్లడయ్యాయని యోగివేమన యూనివర్సిటీ మాజీ వైస్ ఛాన్స్‌లర్ AR రెడ్డి స్పష్టం చేశారు.

ఇక కోనోకార్పస్‌ చెట్లను దెయ్యం చెట్లంటూ విమర్శిస్తున్నారు మరికొందరు. వాటిఐ ప్రజలకు అవగాహన కల్పిస్తున్నారు ఉత్తరాంధ్ర ప్రజాగాయకుడు మజ్జి దేవిశ్రీ. కోనోకార్పస్‌ చెట్లపై ప్రత్యేకంగా ఒక పాటనే రాశారాయన. కోనోకార్పస్‌ చెట్లతో లాభాలెంత? నష్టాలెంతో వివరిస్తున్నారు. అలాగే, వీటికి ప్రత్యామ్నాయాలేంటో ఆయన చెబుతున్నారు. కోనో కార్పస్‌ చెట్లు భూగర్భ జలాలను ఖాళీ చేయడంతో పాటు, మౌలిక సదుపాయాలను దెబ్బ తీస్తాయన్నారు రిటైర్డ్‌ డిప్యూటీ కన్జర్వేటర్‌ ఆఫ్‌ ఫారెస్ట్‌ హరి ప్రసాద్‌.

మరిన్ని తెలంగాణ వార్తల కోసం ఇక్కడ చూడండి