A4 పేపర్ పట్టే స్థలంలోనే ఎయిర్ ప్యూరిఫైయర్.. ధర తెలిస్తే ఎగిరి గంతేసి వెంటనే ఆర్డర్ చేస్తారు

ఇంట్లో ప్యూరిఫైయర్ పెట్టుకోవాలంటే పెద్ద స్థలం అవసరమనే ఆలోచన చాలామందికి ఉంటుంది. కానీ ఈ కొత్త మోడల్ విషయంలో అలా కాదు. దీని అడుగు భాగం కేవలం 0.063 చదరపు మీటర్లు మాత్రమే. దాదాపు A4 పేపర్ అంత స్థలంలో సరిపోయే ఈ పరికరం 68 చదరపు మీటర్ల వరకు గదిలో గాలిని శుభ్రం చేయగలదని కంపెనీ చెబుతోంది.

చిన్న స్థలంలో..

Mijia Air Purifier 6Cను గరిష్టంగా 68 చదరపు మీటర్ల గదుల కోసం రూపొందించారు. ఇది గంటకు 603 క్యూబిక్ మీటర్ల వరకు గాలిలోని కణాలను శుభ్రం చేయగలదు. తక్కువ స్థలం ఆక్రమించడం వల్ల బెడ్‌రూమ్, చిన్న ఫ్లాట్ వంటి ప్రాంతాల్లో సులభంగా ఏర్పాటు చేసుకోవచ్చు.

గాలిని శుభ్రం చేసేందుకు ఇందులో ఆరు దశల వడపోత వ్యవస్థ ఉంది. మొదట పెద్ద దుమ్ము, వెంట్రుకలను తొలగిస్తుంది. ఆ తర్వాత యాంటీబ్యాక్టీరియల్ పొర, ఫార్మాల్డిహైడ్ తొలగించే వడపోత, సూక్ష్మ కణాలను పట్టుకునే పొర పనిచేస్తాయి. వాసనలు, TVOCలను తగ్గించేందుకు కార్బన్ పొరతో పాటు UV ఆధారిత శుభ్రపరిచే వ్యవస్థ కూడా ఉంది.

ఫార్మాల్డిహైడ్‌పై ప్రత్యేక దృష్టి

ఈ పరికరంలో ఫార్మాల్డిహైడ్ తగ్గింపుపై ప్రత్యేకంగా దృష్టి పెట్టారు. గంటకు 381 క్యూబిక్ మీటర్ల స్వచ్ఛమైన గాలిని అందించే సామర్థ్యం ఉందని కంపెనీ చెబుతోంది. రెండు గంటల్లో ఫార్మాల్డిహైడ్‌ను 99 శాతం వరకు తగ్గించగలదని పేర్కొంది. అయితే వాస్తవ ఫలితం గది పరిమాణం, గాలి ప్రసరణ, కాలుష్య స్థాయిపై ఆధారపడి ఉంటుంది. గుండ్రటి తెరపై PM2.5, ఫార్మాల్డిహైడ్ స్థాయి, ఉష్ణోగ్రత, తేమ వంటి వివరాలను వెంటనే చూడొచ్చు. రాత్రి సమయంలో శబ్దం 30.4 డెసిబెల్స్ వరకు ఉంటుందని కంపెనీ తెలిపింది. Mi Home యాప్ ద్వారా ఫోన్ నుంచే నియంత్రించవచ్చు.

ఫిల్టర్‌ను సాధారణంగా 6 నుంచి 12 నెలల వరకు ఉపయోగించవచ్చు. రోజువారీ విద్యుత్ ఖర్చు సుమారు రూ.8గా ఉంటుందని కంపెనీ పేర్కొంది. కొన్ని బ్యాక్టీరియా, వైరస్‌లను 99.9 శాతానికి పైగా తగ్గించగలదని తెలిపింది. చైనాలో దీని ప్రీ-బుకింగ్ ధర సుమారు రూ.15,700గా ఉంది. భారత్‌ విడుదల వివరాలు ఇంకా తెలియాల్సి ఉంది.