Electricity Meter: మీ విద్యుత్‌ మీటర్‌లో రెడ్‌ లైట్‌ వెలుగుతుందా? కారణం ఏంటో తెలుసా?

Electricity Meter Red Light: ప్రస్తుతం పెరుగుతున్న కరెంటు ధరలతో అందరూ ఆందోళన చెందుతున్నారు. ఇలాంటి సమయంలో కరెంటును ఆదా చేసుకునేలా ప్లాన్‌ చేసుకోవడం చాలా ముఖ్యం. కొన్ని పొరపాట్ల కారణంగా బిల్లు అధికంగా వచ్చే అవకాశం ఉంది. ఇప్పుడు వేసవి రానుంది. కరెంటు బిల్లు ఇంకా పెరిగే అవకాశం ఉంటుంది.

తరచుగా విద్యుత్తులో సమస్య, బిల్లులు పెరగడానికి అనేక కారణాలు ఉండవచ్చు. ఈ కారణాలలో ఒకటి విద్యుత్ మీటర్‌లో లోపం కావచ్చు. మీటర్ సరిగా పనిచేయకపోవడం వల్ల కరెంటు బిల్లు మాత్రమే కాదు, కరెంటు కోత వంటి సమస్యలను కూడా ఎదుర్కోవచ్చు. కరెంటు సమస్య ఉంటే మీటరును తనిఖీ చేయాలి. మీటర్‌లో పొరపాటు ఉంటే ఈ రకమైన సమస్య వస్తుంది. మీటర్ ఎలాంటి సమస్యలను ఎదుర్కొంటుందో చూద్దాం.

మీటర్‌లో సమస్య:

మీటర్ చెడిపోవడానికి అనేక కారణాలు ఉండవచ్చు. కొన్ని ప్రధాన కారణాలు ఉన్నాయి – మీటర్ లోపల పగలడం వల్ల విద్యుత్తు పొందడంలో సమస్యలు ఏర్పడవచ్చు. కట్‌ అయిన మీటర్ వైర్ లేదా దెబ్బతిన్న భాగం బిల్లును పెంచుతుంది. మీటర్‌లో అవకతవకల కారణంగా, విద్యుత్ వినియోగం ఎక్కువగా కనిపిస్తుంది, ఇది అధిక రీడింగ్‌లకు, బిల్లుపై భారానికి దారితీస్తుంది.

రెడ్ లైట్‌ని చెక్ చేయడం ద్వారా మీ విద్యుత్ మీటర్ తప్పుగా ఉందో లేదో తనిఖీ చేయవచ్చు. దీని కోసం మీరు ముందుగా విద్యుత్ మీటర్ మెయిన్ స్విచ్ ఆఫ్ చేయాలి.

రెడ్ లైట్ బ్లింక్:

దీని తర్వాత మీరు మీటర్‌లోని రెడ్ లైట్‌ని తనిఖీ చేయాలి. లేదా రెడ్ లైట్ బ్లింక్ అవుతుందా? అనేది చూడాలి. ఇంటి మొత్తం లైట్లు ఆర్పివేసినా, ఈ రెడ్‌లైట్‌ కొట్టుకుంటే మీటర్‌లో ఏదో లోపం ఉందని, దాని వల్ల కరెంటు బిల్లు ఎక్కువగా వస్తోందని అర్థం చేసుకోండి. ఆ తర్వాత మీరు మీ విద్యుత్ మీటర్‌ని మార్చాలి లేదా దాని గురించి విద్యుత్‌ అధికారులకు ఫిర్యాదు చేయాలి.

మరిన్ని టెక్ వార్తల కోసం ఇక్కడ క్లిక్ చేయండి