Oneplus 10R Lite: 17 నిమిషాల్లో 100 శాతం ఛార్జింగ్‌.. ప్రపంచంలోనే అత్యంత వేగమైన ఛార్జింగ్ టెక్నాలజీ..

Oneplus 10R Lite: కంపెనీల మధ్య పెరుగుతోన్న పోటీ కారణంగా రోజురోజుకీ సరికొత్త టెక్నాలజీ అందుబాటులోకి వస్తుంది. ముఖ్యంగా స్మార్ట్‌ ఫోన్‌ మార్కెట్లో వినియోగదారులను ఆకర్షించేందు రకరకాల ఎత్తుగడలు వేస్తున్నాయి సంస్థలు. తాజాగా చైనాకు చెందిన ప్రముఖ స్మార్ట్‌ ఫోన్‌ దిగ్గజం వన్‌ప్లస్‌ ఇలాంటి ఓ కొత్త టెక్నాలజీనే అందుబాటులోకి తీసుకొస్తోంది. వన్‌ప్లస్‌ తాజాగా 10 ఆర్‌ లైట్‌ పేరుతో కొత్త స్మార్ట్‌ వాచ్‌ను లాంచ్‌ చేస్తోంది. ఈ ఫోన్‌లో అమర్చిన ఛార్జింట్‌ టెక్నాలజీ ప్రపంచంలోనే అత్యంత వేగమైన ఛార్జింగ్ టెక్నాలజీగా పేరు తెచ్చుకుంది.

ఇందులో 150 వాట్స్‌ సూపర్‌వూక్‌ ఛార్జింగ్ టెక్నాలజీని అందుబాటులోకి తీసుకొచ్చారు. 4500 ఎమ్‌ఏహెచ్‌ బ్యాటరీతో వస్తోన్న ఈ ఫోన్‌లో కేవలం 17 నిమిషాల్లోనే 100 శాతం పూర్తి అవుతుంది. ఇక ఈ ఫోన్‌కు సంబంధించిన మిగతా ఫీచర్ల విషయానికొస్తే ఇందులో 6.59 ఇంచెస్‌తో కూడిన ఫుల్‌ హెచ్‌డీ+ డిస్‌ప్లేను అందించనున్నారు. మీడియా టెక్‌ డైమెన్సిటీ 8100 మ్యాక్స్‌ ఎస్‌ఓసీ ప్రాసెసర్‌తో నడిచే ఈ ఫక్షన్‌లో గరిష్టంగా 12 జీబీ ర్యామ్‌, 256 జీబీ స్టోరేజ్‌ అందించనున్నారు.

కెమెరా విషయానికొస్తే ఈ 5జీ స్మార్ట్‌ ఫోన్‌లో 64 మెగాపిక్సెల్ రెయిర్‌ కెమెరాతో పాటు, 16 మెగా పిక్సెల్‌ సెల్ఫీ కెమెరాను అందించారు. ఈ స్మార్ట్‌ ఫోన్‌ను భారత్‌లో త్వరలోనే లాంచ్‌ చేయనున్నారు. ఈ స్మార్ట్‌ ఫోన్‌ ఆండ్రాయిడ్‌ 12 ఆపరేటింగ్ సిస్టమ్‌పై పనిచేస్తుంది. ఈ ఫోన్‌లో 5జీ, డ్యూయల్‌ 4జీ వోల్ట్‌, వైఫై 6 802.11, బ్లూటూత్‌ 5.2, యూఎస్‌బీ టైప్‌ సీ పోర్ట్‌ వంటి కనెక్టివిటీ ఆప్షన్స్‌ ఇచ్చారు.

మరిన్ని టెక్నాలజీ వార్తల కోసం క్లిక్ చేయండి..