Pebble Cosmos Vault: సూపర్ క్లాసీ లుక్‌తో నయా స్మార్ట్వాచ్ విడుదల.. మెటాలిక్ స్ట్రాప్‌తో అదిరిపోయే డిజైన్..
గతంలో కేవలం టైమ్ చూసుకోవడానికి మాత్రమే ఉపయోగించే వాచ్‌లు ప్రస్తుతం స్మార్ట్‌గా మారడంతో అనేక ఫీచర్లు అందులో అందుబాటులో ఉన్నాయి. అయితే ప్రస్తుతం వచ్చే స్మార్ట్ వాచ్‌లను ప్లాస్టిక్ స్ట్రాప్‌తో రావడంతో కొంతమందికి నచ్చం లేదు. దీంతో కొన్ని కంపెనీలు వినియోగదారుల అభిరుచికి అనుగుణంగా మెటాలిక్ స్ట్రాప్‌తో స్మార్ట్ వాచ్‌లను రిలీజ్ చేస్తున్నాయి.
Srinu |
Updated on: May 27, 2023 | 4:45 PM
భారతదేశంలో స్మార్ట్ యాక్సరీస్ కొనుగోలు విపరీతంగా పెరిగాయి. స్మార్ట్‌ఫోన్ ఎక్కువగా వాడుతున్న యువత ఎక్కువగా స్మార్ట్ యాక్ససరీస్ కొనుగోలు మక్కువ చూపుతున్నారు. ముఖ్యంగా ఇందులో స్మార్ట్ వాచ్‌ల కొనుగోలుకు మక్కువ చూపుతున్నారు. గతంలో కేవలం టైమ్ చూసుకోవడానికి మాత్రమే ఉపయోగించే వాచ్‌లు ప్రస్తుతం స్మార్ట్‌గా మారడంతో అనేక ఫీచర్లు అందులో అందుబాటులో ఉన్నాయి. అయితే ప్రస్తుతం వచ్చే స్మార్ట్ వాచ్‌లను ప్లాస్టిక్ స్ట్రాప్‌తో రావడంతో కొంతమందికి నచ్చం లేదు. దీంతో కొన్ని కంపెనీలు వినియోగదారుల అభిరుచికి అనుగుణంగా మెటాలిక్ స్ట్రాప్‌తో స్మార్ట్ వాచ్‌లను రిలీజ్ చేస్తున్నాయి. ప్రముఖ పెబుల్ కాస్మోస్ వాల్ట్ బ్రాండ్ నుంచి సరికొత్త కాస్మోస్ సిరీస్ స్మార్ట్‌వాచ్‌గా భారతదేశంలో ప్రారంభించింది.
ఇదే సిరీస్‌లోని కాస్మోస్ అల్ట్రా, కాస్మోస్ లక్స్, కాస్మోస్ బోల్ట్ ప్రో వంటి వాటికి కొనసాగింపుగా సరికొత్త వాచ్‌ను రిలీజ్ చేస్తుంది. కాస్మోస్ వాల్ట్ పేరుతో రిలీజ్ చేసిన ఈ వాచ్ కాస్మోస్ బోల్డ్ ప్రో లాగానే తాజా కాస్మోస్ వాల్ట్‌లో కూడా మెటల్ చట్రం, పట్టీ, క్రౌన్ ఉన్నాయి. ఈ స్మార్ట్వాచ్ 1.43 అంగుళాల ఎమోఎల్ఈడీ డిస్‌ప్లేతో ఎల్లప్పుడూ ఆన్-ఫంక్షనాలిటీ, బ్లూటూత్ కాలింగ్‌ ఫీచర్‌తో వస్తుంది. ప్రస్తుతం ఈ వాచ్ పెబుల్ వెబ్‌సైట్, మింత్రా, ఫ్లిప్‌కార్ట్‌లో కొనుగోలు సిద్ధంగా ఉంది. ఈ ప్రీమియం స్మార్ట్ వాచ్ భారతదేశంలో రూ. 2,999 ధరకు అందుబాటులో ఉంది. అధికారిక పెబుల్ వెబ్‌సైట్ ప్రకారం ఇది వాస్తవ ధరపై 71% తగ్గింపుతో వస్తుంది. పెబుల్ కాస్మోస్ వాల్ట్ స్మార్ట్వాచ్ అబ్సిడియన్ బ్లాక్, క్లాసిక్ సిల్వర్, రోజ్ గోల్డ్ రంగుల్లో అందుబాటులో ఉంది. అలాగే ఈ వాచ్‌లో వచ్చే ఇతర ఫీచర్లు ఏంటో ఓ సారి తెలుసుకుందాం.
పెబుల్ కాస్మోస్ వాల్ట్ మెటల్ స్ట్రాప్‌తో రౌండ్ డయల్‌తో వస్తుంది. నావిగేషన్ కోసం మెటాలిక్ క్రౌన్‌తో మరియు భౌతిక బటన్లు కూడా ఉన్నాయి. ఈ స్మార్ట్ వాచ్ మెటల్ పట్టీలు గ్లైడ్‌లాక్ క్లాస్ప్ మెకానిజంతో ఉంటాయి. రౌండ్ డయల్‌లో 1.43 అంగుళాల ఎమోఎల్ఈడీ డిస్‌ప్లే ఉంది, ఇది 600 నిట్‌ వరకు గరిష్ట ప్రకాశాన్ని అందిస్తుంది. పెబుల్ డిస్‌ప్లేను ఎల్లప్పుడూ ఆన్‌లో ఉండే ఫంక్షనాలిటీని కలిగి ఉంది. వినియోగదారుల ప్రాధాన్యతల ప్రకారం ఈ స్మార్ట్ వాచ్ రూపాన్ని అనుకూలీకరించడానికి కంపెనీ అనేక క్లౌడ్ వాచ్ ఫేస్‌లను కూడా అందిస్తోంది.
గూగుల్ అసిస్టెంట్, సిరి మద్దతుతో ఆండ్రాయిడ్, ఐఓఎస్‌కు అనుకూలంగా ఉంటుంది. అలాగే ఈ వాచ్ బ్లూటూత్ కాలింగ్‌కు మద్దతు ఇస్తుంది. వినియోగదారులు అంతర్నిర్మిత డయల్ ప్యాడ్ నుంచి కాల్స్ చేయడంతో పాటు ఇతర నోటిఫికేషన్లను యాక్సెస్ చేయవచ్చు. పెబుల్ కాస్మోస్ వాల్ట్ స్మార్ట్వాచ్ బహుళ స్పోర్ట్స్ మోడ్‌లతో వస్తుంది. కాస్మోస్ వాల్ట్‌లోని వెల్‌నెస్ ఫీచర్‌లలో స్థిరమైన హృదయ స్పందన పర్యవేక్షణ ఉంటుంది. అలాగే ఎస్‌పీఓ2 లేదా రక్త ఆక్సిజన్ స్థాయి ట్రాకింగ్, పెడోమీటర్, స్లీప్ ట్రాకింగ్ వంటి మరెన్నో ఫీచర్లు ఉన్నాయి. 240 ఎంఏహెచ్ బ్యాటరీతో వచ్చే ఈ స్మార్ట్ వాచ్ పూర్తిగా ఛార్జ్ అయినప్పుడు ఏడు రోజుల స్టాండ్‌బైలో ఉంటుంది. అలాగే స్మార్ట్ వాచ్ మాగ్నెటిక్ ఛార్జింగ్ టెక్నాలజీతో వస్తుంది. అయితే ఈ వాచ్‌కు నీటి నిరోధకత రేటింగ్ లేదనే విషయాన్ని గమనించాలి.
మరిన్ని టెక్నాలజీ వార్తల కోసం క్లిక్ చేయండి..
