నెట్‌వర్క్ ఛేంజ్ అవుదామనుకున్న వారికి ట్రాయ్ ఝలక్..! కానీ ఆ తర్వాత..

మొబైల్ నంబర్ పోర్టబిలిటీ గురించి అందరికీ తెలిసిందే. ఈ సర్వీసు ద్వారా.. వినియోగదారుడు మొబైల్ నంబర్ మార్చకుండానే.. ఇతర నెట్‌వర్క్‌లోకి వెళ్లే అవకాశం ఉంటుంది. అయితే ఈ ప్రక్రియకు పూర్తవ్వడానికి దాదాపు వారం నుంచి 15 రోజుల సమయం పడుతుంది. ప్రస్తుతం ఈ సర్వీస్‌కు ట్రాయ్ బ్రేక్‌ వేసింది. ఇతర నెట్‌వర్క్స్‌లోకి ఛేంజ్ అవుదామనుకున్న వినియోగదారులు.. ప్రస్తుతం.. పోర్టబిలిటీ రెక్వస్ట్ పెట్టుకోలేరని ట్రాయ్‌ తెలిపింది. అయితే ఇది తాత్కాలికమే. త్వరలో ఎంఎన్‌పీకి సంబంధించి ట్రాయ్ కొత్త రూల్స్‌ను ప్రవేశపెట్టబోతోంది. ఈ క్రమంలోనే ప్రస్తుతం ఈ పోర్టబిలిటీ సర్వీసులను నిలిపివేసినట్లు తెలిపింది.

కొత్త రూల్స్.. ఈ నెల 16వ తేదీ నుంచి అమల్లోకి రానుంది. ఈ నిబంధనలతో వినియోగదారుడికి నంబర్ పోర్టబిలిటీ చేసుకోవడం మరింత సులువుకానుంది. కొత్త నిబంధన ప్రకారం కేవలం మూడు రోజుల్లోగా నెట్‌వర్క్‌ ఛేంజ్ అయ్యే అవకాశం ఉంది. అయితే ఒకే సర్కిల్‌లోని నెట్‌వర్క్స్‌కి చెందినవి మాత్రమే మూడురోజుల్లోగా ఛేంజ్ అవుతాయని.. అదే ఇతర సర్కిల్‌కు చెందిన నంబర్లు అయితే.. 5రోజులు పడుతుందని ట్రాయ్ పేర్కొంది.