Aadhaar History: మీ ఆధార్‌ కార్డును ఎక్కడెక్కడ ఉపయోగించారో తెలుసుకోవాలా..? ఇలా చేయండి..!

Aadhaar History: భారతీయ పౌరునికి ఆధార్ కార్డ్ ఒక ముఖ్యమైన డాక్యుమెంట్‌. ఇది ముఖ్యమైన గుర్తింపు రుజువులలో ఒకటి. అన్ని ప్రభుత్వ పనులకు, పథకాల ప్రయోజనాలను పొందేందుకు..

Aadhaar History

Subhash Goud |

Updated on: Mar 27, 2022 | 5:39 PM

Aadhaar History: భారతీయ పౌరునికి ఆధార్ కార్డ్ ఒక ముఖ్యమైన డాక్యుమెంట్‌. ఇది ముఖ్యమైన గుర్తింపు రుజువులలో ఒకటి. అన్ని ప్రభుత్వ పనులకు, పథకాల ప్రయోజనాలను పొందేందుకు ఆధార్ కార్డ్ (Aadhaar Card) చాలా ముఖ్యమైనది. దాదాపు ప్రతిచోటా ఆధార్ నంబర్ (Aadhaar Number) అడుగుతున్నారు. పౌరుల బయోమెట్రిక్, జనాభా వివరాలు భారత విశిష్ట గుర్తింపు ప్రాధికార సంస్థ ( UIDAI ) జారీ చేసిన ఆధార్ కార్డులో నమోదు చేయబడ్డాయి. ప్రతి భారతీయుని బ్యాంకు ఖాతా వారి ఆధార్ కార్డుతో అనుసంధానించబడినందున ఆధార్ కార్డును డబ్బు లావాదేవీలకు కూడా ఉపయోగించవచ్చు. భారతదేశంలోని ప్రతి పౌరుడు తన గుర్తింపును నిరూపించుకోవడానికి, ప్రభుత్వ ఏజెన్సీలు అందించే సేవలను సద్వినియోగం చేసుకోవడానికి ఆధార్ కార్డును తీసుకెళ్లాలి. అయితే ఈ రోజుల్లో ఆన్‌లైన్ మోసాలు పెరుగుతున్నందున చాలా మంది ఆధార్ కార్డ్ దుర్వినియోగం గురించి కూడా ఆందోళన చెందుతున్నారు. UIDAI వెబ్‌సైట్‌ని సందర్శించడం ద్వారా మీకు 50 ఏళ్లు లేదా గత 6 నెలల్లో ధృవీకరణ కోసం మీ ఆధార్ ఎక్కడ ఉపయోగించబడిందో మీరు తనిఖీ చేయవచ్చు. ఆధార్‌ విషయంలో చాలా జాగ్రత్తగా ఉండటం మంచిది. ఒకవేల మీ ఆధార్ కార్డు ఎవరైన వ్యక్తుల చేతుల్లోకి వెళ్తే ఇక అంతే సంగతులు. అందుకే మన ఆధార్‌ కార్డును ఎవరైనా వాడుతున్నారా?, వారు మన కార్డును ఎక్కడైనా ఉపయోగించారా..? అనే విషయాన్ని తెలుసుకునేందుకు యూఐడీఏఐ కల్పిస్తోంది. మీ ఆధార్ ఎక్కడ ఉపయోగించబడిందో కూడా మీరు తెలుసుకోవాలనుకుంటే ఇక్కడ ఇచ్చిన దశలను అనుసరించండి.

☛ ముందుగా ఆధార్ అధికారిక యూఐడీఏఐ (https://uidai.gov.in) పోర్టల్ ఓపెన్ చేయండి వెళ్లాలి.

☛ తర్వాత మై ఆధార్‌ సెక్షన్‌లోకి వెళ్లి ఆధార్‌ సర్వీసెస్‌ను ఎంపిక చేసుకోవాలి.

☛ ఇక ఆధార్‌ సర్వీస్‌ సెక్షన్‌లో 8వ వరుసలో కనిపించే ఆధార్‌ అథెంటికేషన్‌ హిస్టరీపై క్లిక్‌ చేయాలి.

☛ ఇప్పుడు ఆధార్‌ నెంబర్‌, క్యాప్చా ఎంటర్‌ చేసి సెండ్‌ ఓటీపీపై క్లిక్‌ చేయాలి.

☛ ఎప్పటి నుంచి హిస్టరీ కావాలో ఎంచుకుని తేదీ, నెల, సంత్సరం ఎంటర్‌ చేయాలి.

☛ ఇక్కడ ఆరు నెలలకు సంబంధించిన సమాచారం మాత్రమే వస్తుంది.

☛ ఆ తర్వాత మీ ఆధార్‌కు లింక్‌ అయి ఉన్న ఫోన్‌ నెంబర్‌కు ఓటీపీ వస్తుంది. తర్వాత దానిని ఎంటర్‌ చేయాలి.

☛ ఇప్పుడు మీరు ఏ సమయంలో, ఎక్కడ ఉపయోగించారో పూర్తి వివరాలు తెలిసిపోతాయి.

☛ ఈ వివరాలన్నీ తెలుసుకోవాలంటే కచ్చితంగా మీ మొబైల్ నెంబర్, ఆధార్ కార్డుకు లింకు అయి ఉండాలి.

☛ దీని తర్వాత, మీ ఆధార్ కార్డ్ ఎప్పుడు, ఎక్కడ ఉపయోగించబడింది అనే సమాచారం మీ ముందుకు వస్తుంది.

Aadhaar