యూత్ను అట్రాక్ట్‌ చేస్తున్న ఫీచర్లతో Hero Xtreme 250R కార్బన్.. ధర తెలిస్తే షాకవ్వాల్సిందే
Hero Xtreme 250R Carbon: ప్రముఖ ద్విచక్ర వాహన తయారీ సంస్థ Hero MotoCorp తన Xtreme బైక్ లైనప్‌ను మరింత ఆధునికంగా తీర్చిదిద్దుతోంది. ఇప్పటికే Xtreme 160R 4V మోడల్‌లో కీలక అప్‌డేట్స్ తీసుకొచ్చిన కంపెనీ, తాజాగా Xtreme 250Rలోనూ కొత్త ఫీచర్లను అందించింది. Xtreme 250R Carbon పేరుతో వచ్చిన ఈ కొత్త మోడల్‌లో TFT డిస్‌ప్లే, ట్రాక్షన్ కంట్రోల్, రైడింగ్ మోడ్‌లు, క్విక్‌షిఫ్టర్ వంటి సదుపాయాలు ప్రత్యేక ఆకర్షణగా నిలుస్తున్నాయి. దీని ధరను రూ.1.98 లక్షలుగా నిర్ణయించారు.
Updated on: Oct 20, 2026 | 9:20 PM
స్పోర్టీ డిజైన్‌తో పాటు ఆధునిక టెక్నాలజీని కోరుకునే రైడర్లను దృష్టిలో పెట్టుకుని కొత్త Hero Xtreme 250R Carbonను రూపొందించారు. ఇందులో రైడింగ్ అనుభవాన్ని మెరుగుపరిచే ఎలక్ట్రానిక్ ఫీచర్లతో పాటు వెనుక సస్పెన్షన్‌లోనూ కీలకమైన మార్పు చేశారు. మూడు కొత్త రంగుల్లో అందుబాటులోకి వచ్చిన ఈ బైక్, 250cc స్పోర్ట్స్ బైక్ విభాగంలో పోటీని మరింత పెంచనుంది.
4.2 అంగుళాల TFT డిస్‌ప్లే..
కొత్త Xtreme 250R Carbonలో పాత LCD డిస్‌ప్లే స్థానంలో 4.2 అంగుళాల TFT ఇన్‌స్ట్రుమెంట్ క్లస్టర్‌ను అందించారు. ఇందులో స్మార్ట్‌ఫోన్ కనెక్టివిటీ, టర్న్-బై-టర్న్ నావిగేషన్, ల్యాప్ టైమర్ వంటి ఫీచర్లు ఉన్నాయి. రైడ్-బై-వైర్ థ్రాటిల్ సిస్టమ్‌ను కూడా జోడించారు.
దీంతో రైడర్లు Rain, Road, Sport, Track అనే నాలుగు రైడింగ్ మోడ్‌లను ఎంచుకోవచ్చు. ఎంచుకున్న మోడ్‌కు అనుగుణంగా ట్రాక్షన్ కంట్రోల్ పనిచేస్తుంది. బైడైరెక్షనల్ క్విక్‌షిఫ్టర్, క్రూయిజ్ కంట్రోల్, టైర్ ప్రెజర్ మానిటరింగ్ సిస్టమ్ (TPMS) వంటి ఫీచర్లు కూడా ఇందులో ఉన్నాయి. ఈ సదుపాయాలు రోజువారీ ప్రయాణాలతో పాటు స్పోర్టీ రైడింగ్ సమయంలోనూ ఉపయోగపడతాయి.
FSD టెక్నాలజీతో రియర్ సస్పెన్షన్
ఈ బైక్‌లో మరో ముఖ్యమైన అప్‌డేట్ వెనుక సస్పెన్షన్. కొత్త మోడల్‌లో Frequency Selective Damping (FSD) టెక్నాలజీతో కూడిన రియర్ మోనోషాక్‌ను అందించారు. రహదారిపై ఎదురయ్యే కుదుపులకు అనుగుణంగా సస్పెన్షన్ స్పందించేలా ఈ టెక్నాలజీ పనిచేస్తుంది. చిన్న గుంతలు, అసమాన రోడ్లపై మెరుగైన నియంత్రణతో పాటు పెద్ద కుదుపుల సమయంలో ప్రయాణం సౌకర్యవంతంగా ఉండేందుకు సహాయపడుతుంది. ముందు భాగంలో ఉన్న 43mm USD ఫోర్క్‌లో మాత్రం మార్పులు చేయలేదు.
249cc ఇంజిన్..
ఇంజిన్ విషయంలో Hero MotoCorp పెద్దగా మార్పులు చేయలేదు. ఇందులో 249cc లిక్విడ్-కూల్డ్, సింగిల్ సిలిండర్ ఇంజిన్‌ను కొనసాగించారు. ఇది 9,250rpm వద్ద 30hp పవర్, 7,500rpm వద్ద 25.3Nm టార్క్‌ను ఉత్పత్తి చేస్తుంది. Hero Xtreme 250R Carbonను Carbon Red, Carbon Black, Carbon White అనే మూడు రంగుల్లో తీసుకొచ్చారు. దీని ధర రూ.1.98 లక్షలు కాగా, స్టాండర్డ్ Xtreme 250Rతో పోలిస్తే రూ.25,000 ఎక్కువగా ఉంది. అదనపు టెక్నాలజీ, రైడింగ్ ఫీచర్లు, అప్‌డేట్ చేసిన సస్పెన్షన్ ఈ ధర పెరుగుదలకు ప్రధాన ఆకర్షణలుగా నిలుస్తున్నాయి. ఈ బైక్ మార్కెట్లో KTM 250 Duke వంటి మోడళ్లకు పోటీ ఇవ్వనుంది.
