CES 2022: ప్రపంచంలోనే అతిపెద్ద ఎలక్ట్రానిక్స్ షో జనవరి 5 నుంచి.. ఈ షో ఎక్కడ జరుగుతుంది..ప్రత్యేకతలు.. తెలుసుకోండి!

CES 2022: ఈ సంవత్సరంలో మొదటిది .. ప్రపంచంలోనే అతిపెద్ద ఎలక్ట్రానిక్స్ షో అంటే కన్స్యూమర్ ఎలక్ట్రానిక్స్ షో (CES 2022) జనవరి 5 నుంచి 7 వరకు ఉంటుంది. కొత్త గాడ్జెట్‌లు .. సాంకేతికత ఆధారంగా, ఈ ఈవెంట్ ఏడాది పొడవునా చర్చలో నిలుస్తుంది. చాలా కంపెనీలు ఈవెంట్‌లో కొత్త ఉత్పత్తులను విడుదల చేస్తాయి. సరికొత్త సాంకేతికత ప్రజలను ఆశ్చర్యపరుస్తుందనడంలో సందేహం లేదు. USలోని లాస్ వెగాస్‌లోని కన్వెన్షన్ సెంటర్‌లో ఈ ప్రదర్శన జరుగుతుంది. ఇటువంటి ప్రదర్శన మొదటిసారిగా 1967లో న్యూయార్క్ నగరంలో జరిగింది. దాని 55 ఏళ్ల చరిత్రను ఒకసారి పరిశీలిద్దాం.

కన్స్యూమర్ ఎలక్ట్రానిక్స్ షో చరిత్ర ఇదే..

250 కంపెనీలు మొదటి ప్రదర్శనకు హాజరయ్యాయి: మొదటి కన్స్యూమర్ ఎలక్ట్రానిక్స్ షో (CES) జూన్ 24 నుంచి 28, 1967 వరకు జరిగింది. దీనికి 17,500 మంది సందర్శకులు హాజరయ్యారు. ఎల్‌జీ, మోటరోలా, ఫిలిప్స్ వంటి పెద్ద కంపెనీలతో పాటు తొలిసారిగా మొత్తం 250 కంపెనీలు కన్స్యూమర్ ఎలక్ట్రానిక్స్ షోలో పాల్గొన్నాయి. ఈవెంట్ వైశాల్యం లక్ష చదరపు అడుగులు. ఇంటిగ్రేటెడ్ సర్క్యూట్‌లతో కూడిన టీవీలు .. పాకెట్ రేడియోలు ఈ ఈవెంట్ హైలైట్ గా నిలిచాయి.

సంవత్సరానికి రెండుసార్లు: 1978లో, కన్స్యూమర్ ఎలక్ట్రానిక్స్ షో విజయవంతమైన దృష్ట్యా, సంవత్సరానికి రెండుసార్లు నిర్వహించాలని నిర్ణయించారు. జనవరిలో లాస్ వెగాస్‌లో వింటర్ కన్స్యూమర్ ఎలక్ట్రానిక్స్ షో (WCES)గా .. జూన్‌లో చికాగో సమ్మర్ కన్స్యూమర్ ఎలక్ట్రానిక్స్ షో (SCES)గా పేరు మార్చారు. ఒక సంవత్సరంలో రెండు షోల పరంపర 1994 వరకు కొనసాగింది. చికాగోలో జరిగిన సమ్మర్ షో కంటే లాస్ వెగాస్‌లోని వింటర్ షో చాలా ప్రజాదరణ పొందింది. దీంతో 1995 లో, ఈ ప్రదర్శన కోసం లాస్ వెగాస్‌లో కన్వెన్షన్ సెంటర్ నిర్మించారు.

2019లో 1.75 లక్షల మంది సందర్శకులు: 2006లో జరిగిన కన్స్యూమర్ ఎలక్ట్రానిక్స్ షోకు 1.50 లక్షల మంది సందర్శకులు హాజరయ్యారు. ఈ విధంగా ఇది యునైటెడ్ స్టేట్స్‌లో అతిపెద్ద ఎలక్ట్రానిక్స్ ఈవెంట్‌గా కూడా మారింది. అప్పటి నుంచి, ప్రతి సంవత్సరం లక్ష మందికి పైగా సందర్శకులు ఇక్కడికి చేరుకుంటూ వస్తున్నారు. 2019 సంవత్సరంలో, 1.75 లక్షలకు పైగా సందర్శకులు హాజరయ్యారు. ఆ సమయంలో ఈవెంట్ 167,000 చదరపు అడుగుల (18555 చదరపు గజాలు) విస్తీర్ణంలో నిర్వహించారు. ఇది క్రికెట్ మైదానం కంటే పెద్ద ప్రాంతం.

2021లో మొదటిసారిగా వర్చువల్ ఈవెంట్: కోవిడ్ ముప్పు కారణంగా, కన్స్యూమర్ ఎలక్ట్రానిక్స్ షో (CES) 2021 వర్చువల్‌గా నిర్వహించబడింది. 52 ఏళ్ల చరిత్రలో అమెరికాలోని లాస్ వెగాస్‌లోని కన్వెన్షన్ సెంటర్‌లో జనం రాకపోవడం ఇదే తొలిసారి. CES 2006కి 1.50 లక్షల మంది సందర్శకులు హాజరయ్యారు. 2019లో 1.75 లక్షల మంది సందర్శకులు హాజరయ్యారు. అదే సమయంలో, 2020లో కూడా దాదాపు 2 లక్షల మంది సందర్శకులు ఈ షో లో పాల్గొన్నారు.

లాస్ వెగాస్‌లోని కన్స్యూమర్ ఎలక్ట్రానిక్స్ షో కన్వెన్షన్ సెంటర్ ఇప్పుడు 3.2 మిలియన్ చదరపు అడుగుల విస్తీర్ణంలో విస్తరించి ఉంది. ఈ ప్రాంతం 22 క్రికెట్ మైదానాలకు సమానం. ఇందులో 2 లక్షల చదరపు అడుగుల ఎగ్జిబిట్ హాల్ ఫ్లోర్ .. 250,000 చదరపు అడుగుల సమావేశ స్థలం ఉన్నాయి.1 లక్ష అతిథి గదులు, 20 నుంచి 2500 మంది సామర్థ్యంతో 144 సమావేశ గదులు కూడా ఉన్నాయి. దీనిని లాస్ వెగాస్ కన్వెన్షన్ .. విజిటర్స్ అథారిటీ (LVCVA)చే నిర్వహిస్తోంది. ఇది ప్రపంచంలోనే అతి పెద్ద కన్వెన్షన్ సెంటర్ కూడా.

ఇవి కూడా చదవండి: Deepthi Sunaina: లైవ్‌లో కన్నీళ్లు పెట్టిన దీప్తి.. హృదయం ముక్కలైన ఎమోజీలు పెట్టిన షణ్ముక్

Railway Jobs: నార్తర్న్‌ రైల్వేలో ఉద్యోగాలు.. స్పోర్ట్స్‌ కోటాలో అభ్యర్థుల ఎంపిక.. ఇలా దరఖాస్తు చేసుకోండి..