Deepthi Sunaina: లైవ్‌లో కన్నీళ్లు పెట్టిన దీప్తి.. హృదయం ముక్కలైన ఎమోజీలు పెట్టిన షణ్ముక్

దీప్తి సునయన, షణ్ముక్ బ్రేకప్ ఇప్పుడు నెట్టింట ట్రెండింగ్‌గా మారింది. వారి ఫ్యాన్స్‌లోని కొందరు కూడా డివైడ్ అయిపోయారు.

Deepthi Sunaina Shannu

Ram Naramaneni |
Updated on: Jan 03, 2022 | 4:09 PM

దీప్తి సునయన, షణ్ముక్ బ్రేకప్ ఇప్పుడు నెట్టింట ట్రెండింగ్‌గా మారింది. ఈ వ్యవహారంలో ఉన్న షణ్ముక్, దీప్తి, సిరి హన్మంత్, శ్రీహాన్ అందరూ ఫాలోయింగ్ ఉన్న యూట్యూబర్స్ అవ్వడంతో.. వారి ఫ్యాన్స్ కూడా డివైడ్ అయిపోయారు. సోషల్ మీడియాలో ప్రజంట్ బ్లేమ్ గేమ్ నడుస్తోంది. ఈ క్రమంలో తాజాగా దీప్తి సున‌య‌న త‌న ఇన్‌స్టాగ్రామ్ స్టోరీలో లైవ్‌లో వ‌చ్చింది. ఫాలోవ‌ర్స్‌ను క్వచన్స్ అడగమని చెప్పింది. తాను ఆన్సర్స్ చెప్ప‌డానికి సిద్ధంగా ఉన్నాన‌ని పేర్కొంది. లైవ్‌లో త‌న పెట్ డాగ్ టామీని కూడా అంద‌రికీ పరిచయం చేసింది. అయితే ఫాలోవర్స్ అందరూ ష‌ణ్ముక్‌‌తో బ్రేక‌ప్ విషయాన్నే ప్రస్తావించారు. అదే అంశంపై గుచ్చిగుచ్చి ప్ర‌శ్న‌లు అడ‌గ‌టం స్టార్ట్ చేశారు. దానిపై దీప్తి సున‌య‌న రియాక్ట్ అయ్యింది.

‘‘నేను జీవితంలో ముందుకు వెళ్లాల‌ని అనుకున్నాను. నా లైఫ్ గురించి.. కెరీర్ గురించి ఎప్పుడూ ఆలోచించ‌లేదు. ఇప్పుడు వాటిపై చేయాల‌నుకుంటున్నాను. ఇకపై నన్ను నేను ప్రేమించాలనుకుంటున్నాను’’ అని చెప్పుకొచ్చింది. అయితే దీప్తి బ్రేకప్ బాధలో ఉందని.. ఆమెను లైవ్‌లో చూసినవాళ్లకు స్పష్టంగా అర్థమవుతోంది. కాగా, ఫాలోవర్స్ పదే, పదే బ్రేకప్ గురించి ప్రశ్నలు అడగడంతో.. ఆమె లైవ్ స్టార్ట్ చేసిన కొద్ది నిమిషాలలోనే ఎమోషనల్‌ అయ్యింది. పక్కకు జరిగి కన్నీరు పెట్టుకుంది. అనంతరం లైవ్‌ను సడెన్‌గా ఆపేసి వెళ్లిపోయింది.